ന്യൂഡൽഹി: ബോളിവുഡ് നടി ദീപിക പദുക്കോൺ ഫിഫ ലോകകപ്പ് ട്രോഫി അനാവരണം ചെയ്യുമെന്ന് റിപ്പോർട്ട്. വാർത്താ ഏജൻസിയായ എഎൻഐ ഉൾപ്പെടെയുള്ളദേശീയ മാദ്ധ്യമങ്ങളാണ് വാർത്ത റിപ്പോർട്ട് ചെയ്യുന്നത്. ഫിഫ ലോകകപ്പ് ചടങ്ങിൽ പങ്കെടുക്കാൻ ദീപിക വൈകാതെ തന്നെ ഖത്തറിലേക്ക് പോകുമെന്നും റിപ്പോർട്ടുകൾ സൂചിപ്പിക്കുന്നു.
കാൻ 2022 ഫിലിം ഫെസ്റ്റിവലിൽ ജൂറി അംഗമായി ദീപിക ഇന്ത്യയെ പ്രതിനിധീകരിച്ചിരുന്നു. ഇതിന് പിന്നാലെയാണ് ഫിഫ ലോകകപ്പിന്റെ ഇത്തവണത്തെ ട്രോഫി അനാവരണം ചെയ്യാൻ ദീപികയെ നിയോഗിച്ചുവെന്ന വാർത്ത പുറത്തുവരുന്നത്.
നിലവിൽ പ്രീ-ക്വാർട്ടർ മത്സരങ്ങൾ നടന്നുകൊണ്ടിരിക്കുന്ന ലോകകപ്പിന്റെ ഫൈനൽ മത്സരം ഡിസംബർ 18നാണ് നടക്കുക. ഖത്തറിലെ ലൂസൈൽ ഐക്കോണിക്ക് സ്‌റ്റേഡിയത്തിലായിരിക്കും മത്സരം. അന്നേദിവസമായിരിക്കും ട്രോഫി അനാവരണം ചെയ്യുകയെന്നാണ് വിവരം. റിപ്പോർട്ടുകൾ യാഥാർത്ഥ്യമായാൽ ഈ നേട്ടം കൈവരിക്കുന്ന ആദ്യ ഇന്ത്യൻ അഭിനേത്രി കൂടിയായിരിക്കും ദീപിക.
Comments