ജിങ്കിൾ ബെൽസ്..ജിങ്കിൾ ബെൽസ്; നായക്കുട്ടിക്ക് ക്രിസ്തുമസ് ഗാനം മൂളിക്കൊടുത്ത് തത്ത; മനോഹര വീഡിയോ

വീട്ടിൽ വളർത്തുന്ന മ‍ൃഗങ്ങളുടെ രസകരമായ വീഡിയോ സമൂഹമാദ്ധ്യമങ്ങളിൽ പ്രത്യക്ഷപ്പെടാറുണ്ട്. സന്തോഷം കണ്ടെത്താനും മാനസിക പിരിമുറുക്കങ്ങൾ അകറ്റാനും മൃ​ഗങ്ങളുടെ നിഷ്കളങ്കമായ വീഡിയോകൾ തിരയുന്നവർ ധാരളമാണ്. ഇപ്പോഴിതാ, ആരുടെയും മനസ്സ് പിടിച്ചു പറ്റുന്ന ഒരു വീഡിയോയാണ് സമൂഹമാദ്ധ്യമങ്ങളിൽ വൈറലാകുന്നത്. ലോകമൊട്ടാകെയുള്ള ജനങ്ങൾ ക്രിസ്തുമസ് ആഘോഷങ്ങളിലേയ്‌ക്ക് കടക്കുമ്പോഴാണ് ഒരു തത്തയും നായക്കുട്ടിയും തമ്മിലുള്ള മനോഹര വീഡിയോ ഇന്റർനെറ്റിൽ പ്രത്യക്ഷപ്പെട്ടിരിക്കുന്നത്.

തന്റെ സമീപത്തിരിക്കുന്ന നായക്കുട്ടിക്ക് തത്ത പാട്ടു പാടി നൽകുന്ന വീഡിയോയാണ് വൈറലാവുന്നത്. “പക്ഷി പാടാൻ ഇഷ്ടപ്പെടുന്നു, പക്ഷേ നായ?” എന്ന അടിക്കുറിപ്പോടെയാണ് വീഡിയോ ട്വിറ്ററിൽ പങ്കുവെച്ചിരിക്കുന്നത്. പ്രശസ്ത ക്രിസ്തുമസ് ഗാനങ്ങളിലൊന്നായ “ജിങ്കിൾ ബെൽസ്” എന്ന ​ഗാനമാണ് നായക്കുട്ടിയുടെ ചുറ്റും നടന്നുകൊണ്ട് തത്ത പാടുന്നത്.

Bird loves singing, but dog…🐦🎶 🐶🎄😏😅

Sound on..🔊🆙pic.twitter.com/f5Xd1tNXF5

— 𝕐o̴g̴ (@Yoda4ever) December 13, 2022

സോഫയിൽ കിടക്കുന്ന നായക്കുട്ടിയുടെ ചെവിയിലേയ്‌ക്ക് ചേർന്നു നിന്നുകൊണ്ട് തത്ത പാട്ടു പാടുന്നതും വീഡിയോയിൽ കാണാം. എന്നാൽ പാട്ട് കേൾക്കാൻ താൽപ്പര്യമില്ലെന്ന ഭാവത്തിലാണ് നായക്കുട്ടി. പാട്ടു കേൾക്കാൻ ഒട്ടും താൽപ്പര്യം പ്രകടിപ്പിക്കാത്ത നായക്കുട്ടി, തന്റെ സമീപത്തേയ്‌ക്ക് തത്ത വരുമ്പോൾ മുഖം തിരിയ്‌ക്കുന്നതും കാണാം. കഴിഞ്ഞ ദിവസമാണ് ഇൻ്റർനെറ്റിൽ ഈ വീഡിയോ പ്രത്യക്ഷപ്പെട്ടത്. ലക്ഷക്കണക്കിനാളുകൾ ഇതിനോടകം വീഡിയോ കണ്ടു കഴിഞ്ഞു.