ചിത്രത്തിൽ ഒളിഞ്ഞിരിക്കുന്ന വമ്പനെ കണ്ടെത്താമോ; ചിത്രം പങ്കുവച്ച് ഐഎഫ്എസ് ഉദ്യോഗസ്ഥൻ; തിരഞ്ഞ് മടുത്ത് കാഴ്ചക്കാർ

കാടും വന്യജീവികളുമെല്ലാം നമുക്കെല്ലാവർക്കും കൗതുകം നൽകുന്ന കാര്യമാണ്. അത്തരത്തിലൊരു ചിത്രമാണ് ഇന്ത്യൻ ഫോറസ്റ്റ് സർവീസ് ഉദ്യോഗസ്ഥനായ പർവീൺ കസ്വാൻ കഴിഞ്ഞ ദിവസം ട്വിറ്ററിൽ പങ്കുവച്ചത്. അദ്ദേഹം തന്നെ പകർത്തിയ ഒരു ചിത്രമാണിത്. കാഴ്ചക്കാരെ ഒന്നു വട്ടം കറക്കുന്ന ചോദ്യവും ചിത്രത്തിനൊപ്പം അദ്ദേഹം പങ്കുവച്ചിരുന്നു.

കുറേയേറെ മരങ്ങളും വള്ളിപ്പടർപ്പുകളുമുള്ള ഒരു ചിത്രമാണിത്. ‘ ആരാണ് സിംഹാസനത്തിൽ ഇരിക്കുന്നത്, നിങ്ങൾക്ക് കാണാൻ സാധിക്കുന്നുണ്ടോ’ എന്നാണ് ചിത്രത്തിന് അടിക്കുറിപ്പായി അദ്ദേഹം നൽകിയിരിക്കുന്നത്. എന്നാൽ ആദ്യ നോട്ടത്തിൽ അത്തരത്തിലൊരു ജീവിയേയും കണ്ടെത്താൻ സാധിച്ചെന്നു വരില്ല. സൂം ചെയ്ത് നോക്കിയിട്ടും കാണാൻ സാധിക്കുന്നില്ലെന്നും പലരും അഭിപ്രായപ്പെടുന്നു.

Now who is sitting on the throne. Do you see anything !! pic.twitter.com/6GXehR78gy

— Parveen Kaswan, IFS (@ParveenKaswan) December 14, 2022

ആരേയും കാണാൻ കഴിയുന്നില്ലെന്ന് പലരും കമന്റ് ചെയ്തതോടെ അദ്ദേഹം അടുത്ത ചിത്രം ട്വിറ്ററിൽ പങ്കുവച്ചു. സൂചന ആവശ്യമാണെങ്കിൽ ഇതാ എന്ന കുറിപ്പോടെയാണ് ക്ലോസപ്പ് ചിത്രങ്ങൾ നൽകിയത്. മരക്കുറ്റിയിലെ വള്ളിപ്പടർപ്പുകളുടെ മുകളിലായി ചുരുണ്ടു കൂടിയിരിക്കുന്ന പെരുമ്പാമ്പിനെ ഇതിൽ വ്യക്തമായി കാണാം. ബർമീസ് വിഭാഗത്തിൽ പെട്ട പെരുമ്പാമ്പാണിത്. ഇത്ര ദൂരത്തിൽ ആരുടേയും കണ്ണിൽ പെടാതെ കിടക്കുന്ന പെരുമ്പാമ്പിന്റെ ചിത്രമെടുത്തതിന് നിരവധി പേരാണ് അദ്ദേഹത്തിന് അഭിനന്ദനം അറിയിക്കുന്നത്.

If you need some hint. pic.twitter.com/ZEyBQ4oOZf

— Parveen Kaswan, IFS (@ParveenKaswan) December 14, 2022