ഇടുക്കി: അതിരു കടന്ന ഫുട്ബോൾ ആവേശവുമായി സിപിഎം നേതാവ് എം എം മണി. അർജന്റീന കപ്പ് നേടുമെന്ന് ആവേശപൂർവം പ്രവചിക്കുമ്പോഴും, തെറി വിളിച്ചു കൊണ്ടുള്ള അദ്ദേഹത്തിന്റെ ഫേസ്ബുക്ക് പോസ്റ്റ് വിവാദമാകുന്നു. വിമർശനങ്ങൾ ഉയർന്നതോടെ, എം എം മണി പോസ്റ്റ് മുക്കിയെങ്കിലും അതിന്റെ സ്ക്രീൻ ഷോട്ടുകൾ സാമൂഹിക മാദ്ധ്യമങ്ങളിൽ പ്രചരിക്കുകയാണ്.
‘എം ബാപ്പയോ ഓന്റെ ബാപ്പയോ വരട്ടെ. നാളെ പാക്കലാം‘ എന്നായിരുന്നു കഴിഞ്ഞ ദിവസം എം എം മണി ഫേസ്ബുക്കിൽ പോസ്റ്റ് ചെയ്തത്. വലിയ തോതിൽ ഈ പോസ്റ്റ് ചർച്ചയായിരുന്നു.
ലോകകപ്പ് തുടങ്ങിയപ്പോൾ തന്നെ, താൻ അർജന്റീനക്കൊപ്പമാണെന്ന് എം എം മണി പറഞ്ഞിരുന്നു. ഇപ്പോഴും അതേ നിലപാടിൽ തന്നെ തുടരുകയാണ് അദ്ദേഹം. 36 വർഷങ്ങൾക്ക് ശേഷം ഇത്തവണ അർജന്റീനക്ക് കപ്പുയർത്താനാകുമെന്നാണ് പ്രതീക്ഷയെന്നാണ് എം എം മണി പറയുന്നത്.
മറ്റുള്ള ടീമുകൾ ഇപ്പോൾ ഒറ്റ ടീമായി അർജന്റീനക്കെതിരെ തിരിഞ്ഞിരിക്കുകയാണ്. പക്ഷേ കാര്യമില്ല, അർജന്റീന തന്നെ കപ്പടിക്കും. മത്സരം കടുപ്പമായിരിക്കുമെങ്കിലും മെസിയും സംഘവും കപ്പും കൊണ്ട് മടങ്ങും. മത്സരം കാണാനുള്ള ആവേശത്തിലാണ് താനെന്നും എം എം മണി പറഞ്ഞു.
Comments