ബംഗുളൂരു: നിയമസഭാ തിരഞ്ഞെടുപ്പിന് മുന്നോടിയായി കർണാടകയിൽ വിജയ് സങ്കൽപ് യാത്രയ്‌ക്ക് തുടക്കം കുറിക്കും. കലബുറഗിയിൽ ബിജെപി പ്രവർത്തകരുമായി ദേശീയ അദ്ധ്യക്ഷൻ ജെ.പി നദ്ദ നടത്തിയ കൂടിക്കാഴ്ചയ്‌ക്ക് ശേഷമാണ് പ്രഖ്യാപനം. ഫെബ്രുവരി അവസാനത്തോടെ യാത്രയ്‌ക്ക് തുടക്കം കുറിക്കുമെന്ന് മുഖ്യമന്ത്രി ബസവരാജ് ബൊമ്മൈ അറിയിച്ചു.
ജെ.പി നദ്ദ തുംകൂറിൽ നിന്ന് യാത്ര ഫ്ളാഗ് ഓഫ് ചെയ്യുമെന്നും ബൊമ്മൈ വ്യക്തമാക്കി. കൂടാതെ കേന്ദ്ര-സംസ്ഥാന സർക്കാരുകൾ നടപ്പിലാക്കിയ വിവിധ വികസന പരിപാടികൾ എല്ലാ വീടുകളിലും എത്തിക്കും. ഇതിനായി വിവിധ മോർച്ചകളുടെ ജില്ലാതല കൺവെൻഷനും നടത്തുമെന്നും യോഗത്തിൽ തീരുമാനിച്ചതായി ബൊമ്മൈ കൂട്ടിച്ചേർത്തു.
കർണാടകയിൽ വരാനിരിക്കുന്ന നിയമസഭാ തിരഞ്ഞെടുപ്പിലേക്ക് മത്സരിക്കാൻ പാർട്ടി സ്ഥാനാർത്ഥികളെ തീരുമാനിക്കുമെന്ന് ബൊമ്മൈ അറിയിച്ചതിന് പിന്നാലെയാണ് കലബുറഗിയിൽ ബൂത്ത്തല പ്രവർത്തകരുമായി ജെ.പി നദ്ദ കൂടിക്കാഴ്ച നടത്തിയത്. കേന്ദ്രസർക്കാരിന്റെ പിന്തുണയോടെ സംസ്ഥാനത്ത് നടപ്പിലാക്കിയ വിവിധ വികസന പദ്ധതികൾ കൂടുതൽ ജനങ്ങളിലേക്ക് എത്തിക്കുകയാണ് വിജയ് സങ്കൽപ് യാത്രയിലൂടെ ലക്ഷ്യമിടുന്നത്.
Comments