ന്യുഡൽഹി : ഇന്ത്യ ആതിഥേയത്വം വഹിക്കുന്ന ജി-20യുടെ അദ്ധ്യക്ഷതയ്ക്കായി പ്രത്യേക വിമാനങ്ങൾ തയ്യാറാകുന്നു. ഗോ ഫസ്റ്റ് എയർ ലൈൻ വിമാനങ്ങളാണ് തയ്യാറാകുന്നത്. ഗോ ഫസ്റ്റ് സിഇഒ കൗശിക് ഖോനയുടെ നേതൃത്വത്തിലാണ് വിമാനങ്ങൾ സേവനം നടത്തുന്നത്.
ഗോ ഫസറ്റ് എയർ ലൈൻ രാജ്യതാത്പര്യങ്ങളെ സേവിക്കാൻ പരിശ്രമിക്കാറുണ്ട്. നേരത്തെ, വിദേശത്ത് കുടുങ്ങിയ ഇന്ത്യക്കാരെ തിരിച്ചെത്തിക്കാൻ വന്ദേഭാരത് മിഷന്റെ ഭാഗമായി പ്രവർത്തിക്കുകയും കേന്ദ്ര സർക്കാരുമായി സഹകരിക്കുകയും ചെയ്തിരുന്നു.
എയർ ലൈൻ കമ്പനികൾ കേന്ദ്ര സർക്കാരുമായി സഹകരിച്ചിരുന്നു.ജി-20 അദ്ധ്യക്ഷതയ്ക്ക് വേണ്ടി സേവനം നടത്താൻ കഴിയുന്നത് അഭിമാനകരമായ നിമിഷമാണെന്ന് ഗോ ഫസ്റ്റ് സിഇഒ കൗശിക് ഖോന പറഞ്ഞു.
ഇന്ത്യയുടെ അധ്യക്ഷതയിൽ നടക്കുന്ന ജി-20 ഉച്ചകോടിയുടെ മുദ്രാവാക്യം വസുധൈവ കുടുംബകം എന്നതാണ്. ആഗോളതലത്തിൽ ജിഡിപിയുടെ 85 ശതമാനം വരുന്ന 19 രാജ്യങ്ങളും യൂറോപ്യൻ രാജ്യവും ഉൾപ്പെടുന്ന 20 സംഘമാണ് ജി-20 ഉച്ചകോടിയിൽ പങ്കെടുക്കുന്നത്. കൂടാതെ, ജി-20 അധ്യക്ഷതയിൽ അംഗങ്ങൾക്കൊപ്പം പങ്കെടുക്കാൻ നിരവധി അതിഥി രാജ്യങ്ങളെയും അന്താരാഷ്ട്ര സംഘടനകളെയും ക്ഷണിച്ചിട്ടുണ്ട്.
Comments