ജയ്പൂർ: സംസ്ഥാന നിയമസഭയിൽ പഴയ ബജറ്റിന്റെ ഭാഗങ്ങൾ വായിച്ചതിന് രാജസ്ഥാൻ മുഖ്യമന്ത്രി അശോക് ഗെലോട്ടിനെതിരെ ആഞ്ഞടിച്ച് ബിജെപി നേതാക്കൾ
മുഖ്യമന്ത്രി ഗെഹ്ലോട്ടിന് നേരെ സംസ്ഥാനത്തിന്റെ മുൻ മുഖ്യമന്ത്രി വസുന്ധര രാജയും രംഗത്ത് എത്തി. ഗെഹ്ലോട്ട് മുൻ ബജറ്റിലെ നഗരങ്ങളിലെ തൊഴിലവസരങ്ങളെയും കൃഷി രീതിയെയും കുറിച്ച് ഏകദേശം എട്ട് മിനിറ്റോളം വായിച്ചുകൊണ്ടിരുന്നു.
അവതരിപ്പിക്കാൻ പോകുന്ന ബജറ്റ് വായിക്കാതെയും പരിശോധിക്കാതെയും നിയമസഭയിൽ വരുന്ന ഒരു മുഖ്യമന്ത്രി, തന്റെ സംസ്ഥാനം എങ്ങനെ ഭരിക്കുന്നു എന്ന് കാണിക്കുന്നതാണ് ഈ സംഭവം. ഇത്തരമൊരു സംസ്ഥാനം തീർച്ചയായും കഷ്ടപ്പെടുമെന്നും രാജസ്ഥാൻ ബിജെപി നേതാവ് കൂട്ടിച്ചേർത്തു.
ഇതിന് പിന്നാലെ കോൺഗ്രസ് സർക്കാരിനെ വിമർശിച്ച് ബിജെപി ദേശീയ വക്താവ് ഷെഹ്സാദ് പൂനവല്ലയും രംഗത്തെത്തി. മുഖ്യമന്ത്രി ഗെഹ്ലോട്ട് അവതരിപ്പിച്ച ബജറ്റ് ശ്രദ്ധയില്ലാത്തതും, വിവരമില്ലാത്തതും, പ്രതീക്ഷയില്ലാത്തതുമാണെന്ന് പൂനവല്ല പറഞ്ഞു.
അതിനിടെ, ഡൽഹി ബിജെപി വക്താവ് ഖേംചന്ദ് ശർമ്മയും ട്വിറ്ററിലൂടെ ഗെഹ്ലോട്ട് സർക്കാരിന്റെ മോശമായ ക്രമസമാധാനപാലനത്തെയും, ബജറ്റ് വിഡ്ഢിത്തത്തെയും കടുത്ത ഭാഷയിൽ വിമർശിച്ചു.
