‘ജടാടവീ ഗളജ്ജല പ്രവാഹപാവിത സ്ഥലേ’; ‘ശിവ താണ്ഡവ സ്തോത്രം’ ആലപിച്ച് അനൂപ് ശങ്കർ

ശിവരാത്രിയോടനുബന്ധിച്ച് ‘ശിവ താണ്ഡവ സ്തോത്രം’ പുറത്തിറക്കി ഗായകൻ അനൂപ് ശങ്കർ. കാശിവിശ്വനാഥ ക്ഷേത്രത്തിന്റെ ഇടനാഴിക്കുള്ളിൽ ചിത്രീകരിക്കുന്ന ആദ്യത്തെ സംഗീത പരിപാടിയാണിത്. മഹാദേവനെ സ്തുതിച്ചു കൊണ്ട് രാവണൻ എഴുതിയ സ്തോത്രമാണ് അനൂപിന്റെ ​ഗംഭീര ശബ്ദത്തിൽ പുറത്തിറങ്ങിയിരിക്കുന്നത്.

പെരുമ്പാവൂർ ജി രവീന്ദ്രനാഥാണ് ​സ്തോത്രം ചിട്ടപ്പെടുത്തിയിരിക്കുന്നത്. അഭിജിത്ത് ശ്രീനിവാസ് ആണ് ഗിറ്റാർ വായിച്ചത്, ബാസ് ​ഗിറ്റാർ: ജോസി ജോൺ, താളക്രമം: വിക്രം റൊസാരിയോ, ഹാർമണി: അലൻ ഷെർഡിൻ, അമൽ ഘോഷ്, ബൽറാം, യദുലാൽ എന്നിവരും നിർവഹിച്ചിരിക്കുന്നു.

അഭിരാം ഉണ്ണികൃഷ്ണൻ, എയുഎം കെ.എസ് മണിരത്നം, മിസ്റ്റിക്സ് റൂം എന്നിവരാണ് റെക്കോർഡിം​ഗ് എഞ്ചിനീയർമാർ. ഛായാ​ഗ്രഹണം, എഡിറ്റിം​ഗ്, കളർ: അമോഷ് പുതിയാട്ടിൽ. രാമു രാജ് ഒഫീഷ്യൽ ആണ് സംഗീതം നിർമ്മിച്ചിരിക്കുന്നത്. എല്ലാവർക്കും മഹാശിവരാത്രി ആശംസകൾ നേർന്നുകൊണ്ടാണ് ​അണിയറ പ്രവർത്തകർ ​സ്തോത്രം പുറത്തിറക്കിയിരിക്കുന്നത്.