കൊഹിമ: നാഗാലാൻഡിൽ ദേശീയ ജനാധിപത്യ സഖ്യത്തിന് വൻ വിജയം. ആകെയുള്ള 60 സീറ്റുകളിൽ 37 സീറ്റുകളിലും സഖ്യം മുന്നിട്ടു നിൽക്കുന്നു. നാഗ പീപ്പിൾസ് ഫ്രണ്ടിന് കേവലം രണ്ട് സീറ്റുകൾ മാത്രമാണ് നേടാനായത്. സ്വതന്ത്രരും മറ്റു ചെറുപാർട്ടികളും 21 സീറ്റുകളിലും ലീഡ് ചെയ്യുന്നു.
മുഖ്യമന്ത്രി നെയ്ഫു റിയോ വൻ ഭൂരിപക്ഷത്തിൽ നോർത്ത് അങ്കാമി മണ്ഡലത്തിൽ നിന്നും വിജയിച്ചു. ത്യൂ മണ്ഡലത്തിൽ നിന്നും ജനവിധി തേടിയ ഉപമുഖ്യമന്ത്രി യന്തുങ്കോ പാറ്റണും 8000 ൽ അധികം വോട്ടുകൾക്ക് വിജയം കൈവരിച്ചു. ബിജെപി സംസ്ഥാന അദ്ധ്യക്ഷൻ തെംജൻ ഇംന അലോങ്ക്തക്കി മണ്ഡലത്തിൽ നിന്നും വിജയിച്ചു. നെയ്ഫു റിയോ തന്നെ മുഖ്യമന്ത്രിയായി തുടരും.
നിങ്ങളുടെ എല്ലാവരുടേയും വിജയം എന്നാണ് ബിജെപി സംസ്ഥാന അദ്ധ്യക്ഷൻ തെംജൻ ഇംന ട്വിറ്ററിലൂടെ പ്രതികരിച്ചത്. പ്രവർത്തകർക്ക് ഹസ്തദാനം നൽകുന്ന വീഡിയോ പങ്കുവെച്ചുകൊണ്ടായിരുന്നു അദ്ദേഹത്തിന്റെ പ്രതികരണം. തിരഞ്ഞെടുപ്പ് കാലത്ത് സാമൂഹ്യ മാദ്ധ്യമങ്ങളിൽ നിറഞ്ഞുനിന്ന നേതാവാണ് തെംജൻ ഇംന.
13-ാം നാഗാലാൻഡ് നിയമ സഭയിൽ എൻഡിപിപിയ്‌ക്ക് 35 സീറ്റും ബിജെപിയ്‌ക്ക് 13 സീറ്റുകളും എൻപിഎഫിന് നാല് സീറ്റുകളുമാണ് ഉണ്ടായിരുന്നത്.
Comments