ന്യൂഡൽഹി: ഇത്തവണത്തെ ഓസ്കർ അവർഡ് നിശക്കായി ഇന്ത്യ ആകാംക്ഷയോടെ കാത്തിരിക്കുകയാണ്. മികച്ച ഒറിജിനൽ സോംഗ് വിഭാഗത്തിൽ മത്സരിക്കുന്ന ‘ആർആർആറി’ലെ ‘നാട്ടു നാട്ടു’വിലാണ് ആരാധകരുടെ പ്രതീക്ഷകളത്രയും. ഇപ്പോഴിതാ ആരാധകരുടെ ആകാംക്ഷ വീണ്ടും കൂടിയിരിക്കുകയാണ്. ഓസ്കർ പുരസ്കാര വേദിയിലെ അവതാരകരിൽ ഒരാളായി ബോളിബുഡ് താരം ദീപിക പദുകോൺ ഇടംപിടിച്ചിരിക്കുകയാണ്.
16 പേരാണ് ഓസ്കർ വേദിയിൽ അവതാരകരായി എത്തുകുക. ദീപിക പദുക്കോണിന് പുറമേ റിസ് അഹമ്മദ്, എമിലി ബ്ലണ്ട്, ഗ്ലെൻ ക്ലോസ്, ജെന്നിഫർ കോനെല്ലി, അരിയാന ഡിബോസ്, സാമുവൽ എൽ ജാക്സൺ, ഡ്വെയ്ൻ ജോൺസൺ, മൈക്കൽ ബി ജോർഡൻ, ട്രോയ് കോട്സൂർ, ജോനാഥൻ മേജേഴ്സ്, മെലിസ മക്കാർത്തി, ജാനെൽ മോനെ, സോ സാൽഡാന, ക്വസ്റ്റേ്ലാവ്, ഡോണി യെൻ എന്നിവരാണ് മറ്റ് അവതാരകർ. 2016ൽ ഓസ്കർ പ്രഖ്യാപനത്തിന് അവതാരകയായി ബോളിവുഡ് നടി പ്രിയങ്ക ചോപ്ര എത്തിയിരുന്നു.
ഷൗനക് സെൻ സംവിധാനം ചെയ്ത ‘ഓൾ ദാറ്റ് ബ്രീത്ത്സ്’, കാർത്തികി ഗോൺസാൽവസിന്റെ ‘ദ് എലിഫെന്റ് വിസ്പേഴ്സ്’ എന്നീ ഡോക്യുമെന്ററികളും ഇന്ത്യയിൽ നിന്ന് ഓസ്കറിന് മത്സരിക്കുന്നുണ്ട്.
Comments