ന്യൂഡൽഹി : ഹോളി പ്രമാണിച്ച് 196 സ്പെഷ്യൽ ട്രെയിനുകൾ കൂടി സർവീസ് നടത്തുമെന്ന് അറിയിച്ച് ഇന്ത്യൻ റെയിൽ വേ. ഹോളി ആഘോഷത്തോടനുബന്ധിച്ചുള്ള യാത്രക്കാരുടെ തിരക്കും സൗകര്യവും കണക്കിലെടുത്താണ് തീരുമാനം. പ്രധാന നഗരങ്ങളിലൂടെയാവും സർവീസുകൾ ലഭ്യമാകുക.
ഡൽഹി-പട്ന, ഡൽഹി-ഭഗൽപൂർ, ഡൽഹി-മുസാഫർപൂർ, ഡൽഹി- സഹർസ, ഗോരഖ്പൂർ-മുംബൈ, കൊൽക്കത്ത-പുരി, ഗൂവാഹത്തി-റാഞ്ചി, ന്യൂഡൽഹി- ശ്രീ മാതാ വൈഷണവോ ദേവി കത്ര, ജയ്പൂർ-ബാന്ദ്ര ടെർമിനസ്, പൂനെ-ദാനപൂർ എന്നീ പ്രധാനപ്പെട്ട നഗരങ്ങളെ ബന്ധിപ്പിക്കുന്ന തരത്തിലാണ് സ്പെഷ്യൽ ട്രെയിനുകളിലൂടെ സർവീസുകൾ ലഭ്യമാകുക.
യാത്രക്കാരുടെ തിക്കും തിരക്കും നിയന്ത്രിക്കുന്നതിനും സുരക്ഷ ഉറപ്പാക്കുന്നതിനുമായി റെയിൽ വേ സ്റ്റേ്ഷനുകളിൽ റെയിൽ വേ പ്രൊട്ടക്ഷൻ ഫോഴ്സിനെ വിന്യസിച്ചിട്ടുണ്ട്. കൂടാതെ റിസർവ്ഡ് സീറ്റുകളിൽ അനധികൃതമായി യാത്ര ചെയ്യുന്നുണ്ടോ എന്നും പരിശോധിക്കും. ട്രെയിനുകളുടെ തടസ്സമില്ലാത്ത യാത്രകൾക്കായി കൂടുതൽ ശ്രദ്ധ കേന്ദ്രീകരിക്കുമെന്നും റെയിൽ വേ മന്ത്രാലയം അറിയിച്ചിട്ടുണ്ട്.
Comments