ഇസ്ലാമാബാദ് : ദോഹയിൽ നടക്കുന്ന ലെജൻഡ്സ് ലീഗ് ക്രിക്കറ്റിനിടെ ഞെട്ടിക്കുന്ന അവകാശവാദവുമായി പാകിസ്ഥാൻ ക്രിക്കറ്റ് താരം ഷോയിബ് അക്തർ. താൻ ഇന്ത്യയെ സ്നേഹിക്കുന്നുവെന്നും അതിനാൽ താൻ ഇന്ത്യയിൽ ഒരുപാട് തവണ വരാറുണ്ടായിരുന്നുവെന്നും അക്തർ പറഞ്ഞു. ആ ഇഷ്ടം കൊണ്ടാണ് താൻ ആധാർ കാർഡ് പോലും ഉണ്ടാക്കിയതെന്നും അക്തർ പറഞ്ഞു .
‘ഞാൻ ഇന്ത്യയെ സ്നേഹിക്കുന്നു, അവിടെ ധാരാളം സുഹൃത്തുക്കളുണ്ട്. ഞാൻ ഇന്ത്യയിലേക്ക് വളരെയധികം യാത്ര ചെയ്യുമായിരുന്നു. വാസ്തവത്തിൽ, ഞാൻ എന്റെ ആധാർ കാർഡ് ഉണ്ടാക്കിയിട്ടുണ്ട്,’ ഏഷ്യ ലയൺസും ഇന്ത്യ മഹാരാജാസും തമ്മിലുള്ള മത്സരത്തിന് ശേഷം, എഎൻഐയോട് സംസാരിക്കവേ അക്തർ വ്യക്തമാക്കി.
അക്തർ പലപ്പോഴും തന്റെ യൂട്യൂബ് ചാനലിൽ ഇന്ത്യയെയും ഇന്ത്യൻ ക്രിക്കറ്റ് ടീമിനെയും കുറിച്ച് നന്നായി സംസാരിക്കുന്നതായി കാണാം. എന്നാൽ, ഇതിന്റെ പേരിൽ അക്തറെ പലപ്പോഴും സ്വന്തം നാട്ടുകാർ പരിഹസിക്കാറുണ്ട് . അടുത്തിടെ അഹമ്മദാബാദിൽ നടന്ന നാലാം ടെസ്റ്റിൽ ഓസ്ട്രേലിയയ്ക്കെതിരെ സെഞ്ച്വറി നേടിയ വിരാട് കോഹ്ലിയെ അക്തർ പ്രശംസിച്ചിരുന്നു.
Comments