വിനായക ചതുര്ഥിക്ക് ചന്ദ്രനെ കണ്ടാൽ അത്ര നല്ലതല്ല എന്നൊരു വിശ്വാസം ഉള്ളത് പോലെ തന്നെ ഓരോ അമാവാസി കഴിഞ്ഞു ചന്ദ്രപിറവി കാണുന്ന ദിവസവും തിഥിയും നക്ഷത്രവും നോക്കി ഫലം പറയുന്ന ലക്ഷണ/നിമിത്ത ശാസ്ത്രം ഹൈന്ദവ വിശ്വാസത്തിൽ ഉണ്ട്.
കറുത്തവാവ് അഥവാ അമാവാസി കഴിഞ്ഞു ഏതു ദിവസം കാണുന്നു എന്ന പോലെ തന്നെ എങ്ങനെ കണ്ടു എന്നത് നോക്കിയും ചന്ദ്രദർശന ഫലം ഗണിക്കും.
ഞായറാഴ്ച കണ്ടാൽ സുഖവും, തിങ്കളാഴ്ച കണ്ടാൽ ജാള്യവും, ചൊവ്വാഴ്ച അറിയുന്ന ഒരാളുടെ മരണവും, ബുധനാഴ്ച ഭയവും, വ്യാഴാഴച ധനലാഭവും, വെള്ളിയാഴ്ച സ്ത്രീസംഭോഗവും, ശനിയാഴ്ച നാശവും ഉണ്ടാകാം എന്ന് ശാസ്ത്രം.
നേരായ ആകാശത്തിലല്ലാതെ മഴക്കാറിനിടയിലാണ് കാണുന്നതെങ്കിൽ ശത്രുഉപദ്രവം പ്രതീക്ഷിക്കാം. മരങ്ങളുടെ ഇടയിലാണ് കാണുന്നതെങ്കിൽ
ദ്രവ്യനഷ്ടം ഉറപ്പിക്കാം. വെള്ളത്തിൽ നിഴൽ ആയി ആണ് കാണുന്നത് എങ്കിൽ രോഗം നിശ്ചയം.
പണ്ടൊക്കെ അമ്മമാർ അമാവാസി കഴിഞ്ഞു തിഥി നോക്കി, ഞായറാഴ്ച നോക്കി ബാലചന്ദ്രനെ തൊഴുന്ന പതിവ് ഉണ്ടായിരുന്നു. വ്യാപാരികൾ അമാവാസി കഴിഞ്ഞുള്ള വ്യാഴഴ്ച നോക്കി ചന്ദ്രനെ കണ്ടുതൊഴുന്നത് അവരുടെ വ്യാപാരം ഉന്നതിയിൽ എത്തിക്കും.
ഈ പറഞ്ഞ നല്ല വശത്തിനും ദോഷവശത്തിനും ഉള്ള പരിഹാരങ്ങളും വിധിച്ചിട്ടുണ്ട്. ചന്ദ്ര ദർശന തിഥി കാണുന്ന സമയം എല്ലാം ഗണിച്ചു ജാതകന്റെ നക്ഷത്രത്തിന് അനുസരിച്ചു ആണ് പരിഹാരം. ജാതകത്തിലെ ചന്ദ്രന്റെ പക്ഷബലം നോക്കി പരിഹാരങ്ങൾ ചെയ്താൽ തീർച്ചയായും നല്ല ഫലങ്ങൾ കിട്ടുനതാണ് .
ജയറാണി ഈ വി .
WhatsApp No : 9746812212
(പാരമ്പര്യ ജ്യോതിഷ കുടുംബത്തിലെ അംഗം . ഇരുപതിലേറെ വർഷമായി ജ്യോതിഷം സംഖ്യാശാസ്ത്രം വാസ്തു ആചാര അനുഷ്ഠാന വിഷയങ്ങൾ കൈകാര്യം ചെയ്യുന്നു .)