കോട്ടയം : മള്ളിയൂർ ഭാഗവതാമൃത സത്രത്തിന് ജനുവരി 21ന് തുടക്കമാകും. ഭാഗവത ഹംസം മള്ളിയൂർ ശങ്കരൻ നമ്പൂതിരിയുടെ ജയന്തിയോടനുബന്ധിച്ചുള്ള ഭാഗവതാമൃത സത്രം ഫെബ്രുവരി രണ്ടിന് സമാപിക്കും. മള്ളിയൂർ പരമേശ്വരൻ നമ്പൂതിരിയാണ് ഭാഗവതാമൃത സത്ര മുഖ്യയജ്ഞാചാര്യൻ. ഫെബ്രുവരി രണ്ടിന് നടക്കുന്ന സത്ര സമർപ്പണം മഹാ മണ്ഡലേശ്വർ ആനന്ദവനം ഭാരതി സ്വാമികൾ നിർവഹിക്കും.
വേദിയിൽ ആചാര്യശ്രേഷ്ഠന്മാരും ഭാഗവത പണ്ഡിതന്മാരും ആത്മീയാചാര്യന്മാരും ഉൾപ്പെടെ 60 ഓളം പേർ പങ്കെടുക്കും. ക്ഷേത്രാങ്കണത്തിൽ 1,000 പേർക്ക് ഇരിക്കാവുന്ന നൂതന ജർമൻ പന്തലാണ് സജ്ജീകരിച്ചത്. വിശ്വാസികൾക്ക് 12 ദിവസവും വിപുലമായ അന്നദാനവുമുണ്ട്. നിലവിൽ ശബരിമല മകരവിളക്ക് കാലത്ത് ക്ഷേത്രത്തിലെത്തുന്നവർക്ക് മള്ളിയൂരിലെ പ്രസാദം കഴിച്ച് വിരിവച്ച് മടങ്ങാനും അവസരമുണ്ട്. രാവിലെ അഞ്ച് മുതൽ 11 വരെ അന്നദാനമുണ്ട് .
