ഭോപ്പാൽ : മദ്ധ്യപ്രദേശിലെ ഗ്വാളിയാറിൽ ദ്വദിന ‘ഗോൾ ഇൻ സാരി’ മത്സരം സംഘടിപ്പിച്ചിരുന്നു. വനിതകൾ സാരിയുടത്ത് ഫുട്ബോൾ കളിക്കുക എന്ന ലക്ഷ്യത്തോടെയാണ് പരിപാടി സംഘടിപ്പിച്ചത്. നിരവധി വനിതകളാണ് മത്സരത്തിന്റെ ഭാഗമായത്.
വനിതകൾ സാരിക്കൊപ്പം ഷൂസുകൾ ധരിച്ചാണ് മൈതാനത്ത് കളിക്കാൻ ഇറങ്ങിയത്. അവർ വളരെ ആസ്വദിച്ച് ഫുട്ബോൾ കളിക്കുന്നത് വീഡിയോയിൽ കാണാൻ സാധിക്കും. 25 വയസ്സ് മുതൽ 50 വയസ്സ് വരെ പ്രായമുള്ള വനിതകളാണ് മത്സരത്തിൽ പങ്കെടുത്തത്. വനിതകൾക്ക് അസാധ്യമായി ഒന്നുമില്ല എന്നതിന് ഒരു ഉത്തമ ഉദാഹരണമാണിത്. സാമൂഹ്യമാദ്ധ്യമങ്ങളിൽ വീഡിയോ ഇതിനോടകം ഏറെ ശ്രദ്ധനേടി കഴിഞ്ഞു.
