“മഹിളാ സമ്മാൻ ബചത് പത്ര” സ്ത്രീ ശാക്തീകരണത്തിന്റെ മികച്ച ഉദാഹരണം : പ്രധാനമന്ത്രി

ന്യൂഡൽഹി: സ്ത്രീകളെ ആദരിക്കാനും ശാക്തീകരിക്കാനും ഞങ്ങളുടെ സർക്കാർ പ്രതിജ്ഞാബദ്ധമാണെന്ന് പ്രധാനമന്ത്രി നരേന്ദ്ര മോദി. ഇന്ത്യ പോസ്റ്റ് ആരംഭിച്ച ‘മഹിളാ സമ്മാൻ ബചത് പത്ര’ അതിന് മികച്ച ഉദാഹരണമാണെന്ന് പ്രധാനമന്ത്രി മോദി പറഞ്ഞു.

‘സ്ത്രീകളെ ബഹുമാനിക്കാനും ശാക്തീകരിക്കാനും ഞങ്ങളുടെ സർക്കാർ പ്രതിജ്ഞാബദ്ധമാണ്, ‘മഹിളാ സമ്മാൻ ബചത് പത്ര’ ഇതിന്റെ ഏറ്റവും മികച്ച ഉദാഹരണമാണ്. എന്ന് ഇന്ത്യാ പോസ്റ്റിന്റെ ട്വീറ്റ് പങ്കുവെച്ചുകൊണ്ട് പ്രധാനമന്ത്രി പറഞ്ഞു.

महिलाओं के सम्मान और सशक्तिकरण के लिए हमारी सरकार प्रतिबद्ध है और ‘‘महिला सम्मान बचत पत्र’’ इसका बेहतरीन उदाहरण है। https://t.co/ixzvvBIkfi https://t.co/xTbrNQdv6P

— Narendra Modi (@narendramodi) April 3, 2023

‘ആസാദി കാ അമൃത് മഹോത്സവ്’ ഓർമ്മയ്‌ക്കായാണ് കേന്ദ്ര ധനമന്ത്രി 2023-24 ബജറ്റിൽ
മഹിളാ സമ്മാൻ ബചത് പത്ര പദ്ധതി പ്രഖ്യാപിച്ചത്. പെൺകുട്ടികൾ ഉൾപ്പെടെയുള്ള സ്ത്രീകളെ രാജ്യത്തിന്റെ മുഖ്യധാരയിലേക്ക് കൊണ്ട് വരാനും സമ്പ​ദ് വ്യവസ്ഥയിൽ ഉൾപ്പെടുത്താനും ശാക്തീകരിക്കാനുമുള്ള സുപ്രധാന ചുവടുവെപ്പാണ് ഇതിലൂടെ നടത്തിയത്. മഹിളാ സമ്മാൻ സേവിംഗ്‌സ് സർട്ടിഫിക്കറ്റുകൾ ഈ വർഷം ഗസറ്റിൽ വിജ്ഞാപനം ചെയ്യ്തിരുന്നു. 1.59 ലക്ഷം പോസ്റ്റ് ഓഫീസുകളിൽ ഇത് പ്രാബല്യത്തിൽ വരുകയും ചെയ്തു.