മലയാളികളുടെ എക്കാലത്തെയും പ്രിയ നായികയാണ് മഞ്ജു വാര്യർ. നിരവധി മികച്ച കഥാപാത്രങ്ങളാണ് താരം മലയാളികൾക്ക് സമ്മാനിച്ചത്. നല്ലൊരിടവേളയ്ക്ക് ശേഷം മലയാള സിനിമയിൽ തിരിച്ചെത്തിയപ്പോഴും താരത്തെ ഇരുകൈകളും നീട്ടിയാണ് ആരാധകർ സ്വീകരിച്ചത്. ഇപ്പോഴിതാ ഒരു വനിതാ സംരംഭത്തിന്റെ ഉദ്ഘാടന വേളയിൽ മഞ്ജു വാര്യർ പറഞ്ഞ വാക്കുകൾ വൈറലാവുകയാണ്.
ജീവിതത്തിൽ എന്തെങ്കിലുമൊക്കെ നേടാൻ ആഗ്രഹമുള്ള സ്ത്രീകൾക്ക് പല കാരണങ്ങളാൽ അത് സാധിക്കാറില്ല. ജീവിതത്തിൽ ഒരു അവസരത്തിനായി കാത്തിരിക്കുന്ന എന്നാൽ പലകാരണങ്ങളാൽ ഒരു അവസരം കിട്ടാത്ത സ്ത്രീകളെ തനിക്കറിയാം. സ്ത്രീകൾ ആഗ്രഹിക്കുന്നതുപോലെ സക്സസ് ഫുൾ ആയിട്ടൊരു ജീവിതം ഉണ്ടാകട്ടെ. അങ്ങനെ വളർന്ന് സ്ത്രീ- പുരുഷ വേർതിരിവ് ഇല്ലാതാകട്ടെ. സ്ത്രീ- പുരുഷ വേർതിരിവ് എന്നതിനോട് കുറച്ചു കാലമായി താൻ വിശ്വസിക്കുന്നില്ല. എല്ലാവരും ശക്തരായി തുല്യരായി സ്ത്രീയും പുരുഷനും ഒന്നിച്ചു നിൽക്കുന്ന മനസ്സമാധാനമുള്ള ഒരു സമൂഹം ഉണ്ടാകട്ടെയെന്നാണ് തന്റെ ആഗ്രഹം, എന്നായിരുന്നു മഞ്ജുവിന്റെ വാക്കുകൾ.
