മുംബൈ: മലയാളികളുടെ രോമാഞ്ചം ട്രെന്റ് ഏറ്റെടുത്ത് രാജസ്ഥാൻ റോയൽസ്. മലയാളി താരം സഞ്ചു വി സാംസൺ ക്യാപ്റ്റനായ രാജസ്ഥാൻ റോയൽസിനാണ് രോമാഞ്ചം ട്രെന്റ് ഏറ്റെടുത്തിരിക്കുന്നത്. രോമാഞ്ചം സിനിമയിലെ ‘നിങ്ങൾക്ക് ആദരാഞ്ജലി നേരട്ടെ’ എന്ന ഗാനത്തിന്റെ ആക്ഷൻ അവതരിപ്പിച്ചാണ് താരങ്ങൾ എത്തിയിരിക്കുന്നത്.
രാജസ്ഥാൻ ക്യാപ്റ്റൻ സഞ്ജു സാംസൺ തന്നെയാണ് വീഡിയോ പങ്കുവെച്ചിരിക്കുന്നത്. തന്റെ ഫേസ്ബുക്ക് പേജിലൂടെയാണ് താരം വീഡിയോ പുറത്തു വിട്ടത്. രാജസ്ഥാൻ താരങ്ങൾ എല്ലാവരും വീഡിയോയിൽ എത്തുന്നുണ്ട്. ജോസ് ബട്ടറാണ് ആദ്യം ഗാനത്തിന്റെ തലയാട്ടലുമായി എത്തുന്നത്. പിന്നാലെ മറ്റു താരങ്ങളും എത്തുന്നു. ആരാധകർക്ക് കൂടുതൽ ആവേശമാകാൻ മുൻ ശ്രീലങ്കൻ താരമായ ലസിത് മലിങ്കയുമുണ്ട്. തലയാട്ടൽ അത്രയ്‌ക്ക് വഴക്കം വന്നിട്ടില്ലെങ്കിലും തന്റേതായ ശൈലിയിൽ തലകുലുക്കിയാണ് മലിങ്ക വീഡിയോയിൽ എത്തുന്നത്. ഒപ്പം മറ്റു താരങ്ങളും തരങ്കം സ്റ്റൈൽ നന്നായി ആസ്വദിച്ച് ചെയ്തിട്ടുണ്ട്.
ക്യപ്റ്റൻ സഞ്ജു സാംസൺ വീഡിയോയിൽ അവസാനമാണ് എത്തുന്നത്. 28 സെക്കന്റുള്ള വീഡിയോയിൽ രാജസ്ഥാൻ റോയൽസിന്റെ ഇരുപതോളം താരങ്ങൾ അണിനിരക്കുന്നു. മനോഹരമായി തന്നെയാണ് താരങ്ങൽ വീഡിയോയിൽ എത്തുന്നത്. രോമാഞ്ചിഫിക്കേഷൻ എന്ന കുറിപ്പോടെയാണ് സഞ്ചു വീഡിയേ പങ്കുവെച്ചിരിക്കുന്നക്.
Comments