തിരുവനന്തപുരം: നന്ദിയോട് പച്ച പയറ്റടിയിലെ സ്പോർട്സ് കൗൺസിലിന്റെ നീന്തൽ കുളത്തിൽ പരിശീലനത്തിനെത്തിയ കുട്ടികൾക്ക് കൂട്ടത്തൊടെ പനി. അൻപതോളം കുട്ടികൾക്കാണ് പനി ബാധിച്ചത്. പല കുട്ടികളെയും കടുത്ത പനിയുമായി ആശുപത്രിയിൽ പ്രവേശിപ്പിച്ചു. രോഗബാധയെ തുടർന്ന് നീന്തൽ പരിശീലനം തൽക്കാലത്തേക്ക് നിർത്തിവച്ചു.
രാവിലെയും വൈകിട്ടുമായി മുന്നൂറോളം വിദ്യാർഥികളാണ് നീന്തൽ പരിശീലനം നടത്തുന്നത്.
ബുധനാഴ്ചയാണ് കുട്ടികൾക്ക് കൂട്ടത്തോടെ പനിവരുന്നതു ശ്രദ്ധയിൽപ്പെട്ടത്.
ഉടൻ തന്നെ പാലോട് പ്രാഥമിക ആരോഗ്യ കേന്ദ്രത്തിലും സ്പോർട്സ് കൗൺസിലിലും വിവരം അറിയിച്ചു. വെള്ളത്തിന്റെ സാംപിൾ പരിശോധനയ്ക്കായി എടുത്തിട്ടുണ്ട്.. പരിശോധനാ ഫലം വരുന്നത് വരെ നീന്തൽ നിർത്തിവച്ചതായി നീന്തൽ പരിശീലന കേന്ദ്രത്തിന്റെ നടത്തിപ്പുകാർ പറഞ്ഞു.
Comments