ആശയങ്ങൾ പങ്കുവെയ്ക്കാനുള്ള മികച്ച വഴിയാണ് മീമുകൾ. തമാശയിലൂടെ സാമൂഹിക വിമർശനങ്ങളാണ് മീമുകളിലൂടെയും ട്രോളുകളിലൂടെയും നടക്കുന്നത്. മികച്ച മീമുകൾ സൃഷ്ടിക്കുന്നവർക്ക് ഒല ഇലക്ട്രിക് സ്കൂട്ടർ പ്രഖ്യാപിച്ചിരിക്കുകയാണ് കമ്പനി സിഇഒ ഭവിഷ് അഗർവാൾ. ‘മീം ഫെസ്റ്റ്’ എന്നാണ് മത്സരത്തിന്റെ പേര്.
പെട്രോൾ വാഹനങ്ങളുമായി ബന്ധപ്പെട്ട രസകരമായ മീമുകൾ പങ്കുവെയ്ക്കാനാണ് ഭവിഷ് അഗർവാൾ ട്വിറ്ററിലൂടെ ആവശ്യപ്പെട്ടത്. മീമുകൾ ഇന്ന് നമ്മുടെ ജീവിതത്തിന്റെ ഭാഗമാണ്. നമ്മുടെ ഡിജിറ്റൽ ലൈഫിന്റെ ടാഗമായ മീമുകൾ വെറും ഒരു ചിത്രം കൊണ്ട് ഒട്ടേറെ കാര്യങ്ങൾ സംവദിക്കുന്നു. ഏറ്റവും മികച്ച മൂം ഒരുക്കുന്നയാൾക്ക് ഒല എസ് 1 പ്രോ സ്പെഷ്യൽ എഡിഷൻ സമ്മാനിക്കുമെന്ന് ഭവിഷ് ട്വിറ്ററിൽ കുറിച്ചു. പ്രഖ്യാപനത്തിന് പിന്നാലെ നിരവധി മീമുകളാണ് സമൂഹമാദ്ധ്യമങ്ങളിൽ നിറഞ്ഞത്.
