പ്രമുഖ വാഹന നിർമ്മാതാക്കളായ റോയൽ എൻഫീൽഡ് പുതിയ ബൈക്കിന്റെ പണിപ്പുരയിലാണ്. 450 സിസി എഞ്ചിനുമായ വരുന്ന കമ്പനിയുടെ ആദ്യത്തെ മോട്ടോർ സൈക്കിളായ ഹിമാലയൻ 450-യാണ് റോയൽ എൻഫീൽഡ് തയ്യാറാക്കുന്നത്. തികച്ചും വ്യത്യസ്തമായ ഡിസൈനുമായിട്ടായിരിക്കും ഹിമാലയൻ 450 എത്തുക. 2023 സെപ്റ്റംബറിൽ പുറത്തിറങ്ങുമെന്നാണ് പ്രതീക്ഷിക്കുന്നത്.
മാറ്റ് ബ്ലാക്ക് നിറത്തിലുള്ള ചിത്രങ്ങളാണ് ഇപ്പോൾ പ്രചരിക്കുന്നത്. ഹിമാലയൻ, സ്‌ക്രാം 411 എന്നിവയിൽ ഉള്ളതിനേക്കാൾ വളരെ വ്യത്യസ്തമായ എക്‌സ്‌ഹോസ്റ്റ് എൻഡുമായിട്ടായിരിക്കും എത്തുക. ലിക്വിഡ് കൂളിംഗ് സെറ്റപ്പിൽ വരുന്ന ആദ്യ റോയൽ എൻഫീൽഡ് ബൈക്കായിരിക്കും ഹിമാലയൻ 450 എന്നാണ് റിപ്പോർട്ടുകൾ നൽകുന്ന സൂചനകൾ. പുതിയ ബൈക്കിന്റെ ചിത്രങ്ങൾ വ്യാപകമായി സമൂഹമാദ്ധ്യമങ്ങളിൽ പ്രചരിക്കുന്നുണ്ട്. പുതിയ റോയൽ എൻഫീൽഡ് 450 സിസി എഞ്ചിൻ 35 ബിഎച്ച്പി പവറും 40 എൻഎം ടോർക്കും ഉത്പാദിപ്പിക്കും. 6 സ്പീഡ് ട്രാൻസ്മിഷനുമായിട്ടായിരിക്കും എത്തുന്നത്. ആദ്യത്തെ സിംഗിൾ സിലിണ്ടർ എഞ്ചിൻകൂടിയായിരിക്കും ഹിമാലയൻ 450 എന്നാണ് സൂചനകൾ. സ്ലിപ്പർ ആന്റ് അസിസ്റ്റ് ക്ലച്ചും സ്റ്റാൻഡേർഡ് ആയി വാഹനത്തിൽ ഉണ്ടാകും.
മികച്ച ഓഫ് റോഡ്, ഓൺ റോഡ് പെർഫോമൻസ് നൽകുന്ന രീതിയിലുള്ള പുതിയ പ്ലാറ്റ്‌ഫോമിലായിരിക്കും ഹിമാലയൻ 450 സിസി മോട്ടോർ സൈക്കിൾ പ്രവർത്തിക്കുന്നത്. വൃത്താകൃതിയിലുള്ള എൽഇഡി ഹെഡ്‌ലാമ്പായിരിക്കും ഇതിന് നൽകുക. 411 സിസി ഹിമാലയനിൽ നിന്നും വ്യത്യസ്തമായി കൂടുതൽ എൽഇഡി ലൈറ്റുകളായിരിക്കും ഈ വാഹനം വരുന്നത്.
യുഎസ്ഡി ഫ്രണ്ട് ഫോർക്കുകളായിരിക്കും റോയൽ ഫീൽഡ് ഹിമാലയൻ 450-ൽ ഉണ്ടാവുക. ഇത്തരം സസ്‌പെൻഷൻ സിസ്റ്റവുമായി വരുന്ന കമ്പനിയുടെ ആദ്യത്തെ അഡ്വഞ്ചർ ബൈക്ക് കൂടിയായിരിക്കും ഇത്. പുതിയ എഞ്ചിനും ഡിസൈനുമായി വൈകാതെ തന്നെ റോയൽ എൻഫീൽഡ് ഹിമാലയൻ 450 പുറത്തിറങ്ങുമെന്ന് പ്രതീക്ഷിയിലാണ് വാഹനപ്രേമികൾ.
