മലയാള സിനിമാസ്വാദകരുടെയും സമൂഹമാദ്ധ്യമങ്ങളിൽ സജീവമായവരുടെയും പ്രിയപ്പെട്ട ബാലതാരമാണ് വൃദ്ധി വിശാൽ. സമൂഹമാദ്ധ്യമങ്ങളിലും വളരെയധികം സജീവമായ താരം സാറാസ്, കടുവ, 2018 എന്നീ ചിത്രങ്ങളിലൂടെ കൂടുതൽ തിളങ്ങി. ഡാൻസ് വീഡിയോകളിലൊക്കെയും തിളങ്ങി നിൽക്കുന്ന താരത്തിന്റെ പുതിയ വീഡിയോ ആണ് വൈറലായിരിക്കുന്നത്. കുഞ്ഞനുജനൊപ്പം നാട്ടു നാട്ടു ഡാൻസിന് അനുസരിച്ച് ചുവടുവയ്ക്കുന്ന വൃദ്ധിയുടെ വീഡിയോ ആണ് സമൂഹമാദ്ധ്യമങ്ങളിൽ ഇപ്പോൾ വളരെയധികം ശ്രദ്ധ നേടുന്നത്.
നൃത്തച്ചുവടുകൾ വെച്ചുള്ള ഒരൊറ്റ വീഡിയോയിലൂടെയാണ് സമൂഹമാദ്ധ്യമങ്ങളിൽ വൃദ്ധി വൈറലാകുന്നത്. സീരിയൽ താരം അഖിൽ ആനന്ദിന്റെ വിവാഹവേദിയിൽ ചുവടുവെച്ച് വാട്ട്സ്ആപ്പ് സ്റ്റാറ്റസുകളിലൂടെയാണ് വൃദ്ധി താരമായത്. കൊച്ചി കുമ്പളങ്ങി സ്വദേശിയായ വിശാലിന്റെയും ഗായത്രിയുടെയും മകളാണ് വൃദ്ധി. കുട്ടിത്താരത്തിന്റെ എല്ലാ വീഡിയോകളും വളരെ പെട്ടെന്നാണ് സമൂഹമാദ്ധ്യമങ്ങളിൽ ശ്രദ്ധേയമാകുന്നത്.
മഞ്ഞിൽ വിരിഞ്ഞ പൂവ് എന്ന സീരിയലിലൂടെയായിരുന്നു മിനിസ്ക്രീനിലേക്കുള്ള അരങ്ങേറ്റം. ഇതിന് ശേഷം സാറാസ് എന്ന ചിത്രത്തിലൂടെ താരം സിനിമയിലേക്കും ചുവടുവെച്ചു. പിന്നീട് ഷാജി കൈലാസിന്റെ സംവിധാനത്തിൽ ഒരുങ്ങിയ പൃഥ്വിരാജ് ചിത്രമായ കടുവയിലും വൃദ്ധി വേഷമിട്ടു. കേരളം സാക്ഷ്യം വഹിച്ച മാഹപ്രളയത്തെ ആസ്പദമായി ജൂഡ് ആന്റണി സംവിധാനം നിർവഹിച്ച 2018 എവരിവൺ ഈസ് എ ങീറോ എന്ന ചിത്രത്തിലും വൃദ്ധി അഭിനയിച്ചു.
