മലയാളികളുടെ പ്രിയപ്പെട്ട നടി ബിന്ദു പണിക്കരുടെ മകളാണ് കല്യാണി. സിനിമ രംഗത്ത് കല്യാണി കൈവെച്ചിട്ടില്ലെങ്കിലും നിരവധി ആരാധകർ ഈ താരപുത്രിക്കുണ്ട്. നിരവിധി റീൽസ് വീഡിയോകളിലൂടെ അമ്മയ്‌ക്കും സായ്കുമാറിനും ഒപ്പം കല്യാണി തിളങ്ങിയിരുന്നു. ഇപ്പോഴിതാ ലണ്ടനിൽ പഠിക്കുന്ന കല്യാണിയുടെ വാർത്തകളാണ് പുറത്ത് വരുന്നത്. ലണ്ടനിലെ പ്രശസ്തമായ ലെ കോർഡൻ ബ്ല്യൂ കോളജിൽ നിന്നും ഫ്രഞ്ച് പാചക കലയിൽ ബിരുദം കരസ്ഥമാക്കിയിരിക്കുകയാണ് താരപുത്രി. ഇതോടെ മനസ്സിലെ ഒരു വലിയ ആഗ്രഹം നേടിയെടുത്തെന്നും കല്യാണി തുറന്നു പറയുന്നു.
പഠനത്തിടെ തോന്നിയ ആഗ്രഹംകൊണ്ട് നേടിയെടുത്ത ബിരുദമാണിത്. പാചകകല തന്റെ കരിയറായി മാറുമോ എന്ന് അറിയില്ലെന്നും കല്യാണി പറഞ്ഞു. അഭിനയവും നൃത്തവും തനിക്ക് വഴങ്ങുമെന്ന് തെളിയിച്ച കല്യാണി ഉടൻ അഭിനയ രംഗത്തേയ്‌ക്ക് വരുമെന്ന വാർത്തകൾ നിരസിച്ചുകൊണ്ടാണ് പുതിയ വിശേഷം.
ഞാൻ ലണ്ടനിൽ എന്താണ് ചെയ്യുന്നതെന്ന് ചോദിച്ചവർക്കെല്ലാം ഇതാണ് എന്റെ ഉത്തരം. ഒടുവിൽ ഞാൻ മഹത്തായ ലെ കോർഡൻ ബ്ല്യൂവിൽ നിന്ന് ഒരു ഫ്രഞ്ച് പാചക വിദഗ്ധ എന്ന ബിരുദം സമ്പാദിച്ചിരുന്നു. ഇത് പൂർണമായും എന്റെ പാഷൻ കയ്യെത്തിപ്പിടിക്കാനുള്ള ഒരു യാത്രയായിരുന്നു, ഇപ്പോൾ എന്റെ ജീവിതത്തിൽ ഏറ്റവും നവ്യമായ ഒരു അനുഭൂതിയിലാണ്. ഈ കോഴ്സ് ചെയ്യുന്നതിനിടയിൽ പലതവണ ഞാൻ ഇത് നിർത്തിപ്പോയാലോ എന്ന് സത്യസന്ധമായി ചിന്തിച്ചിരുന്നു. എന്നാൽ എല്ലാ പ്രതിസന്ധികളും ബുദ്ധിമുട്ടുകളും എന്റെ ലക്ഷ്യത്തിനിടക്കുള്ള തടസ്സങ്ങളായിരുന്നു അതെല്ലാം അതിജീവിച്ച് ഒടുവിൽ ഞാൻ എവിടെവരെ എത്തിയെന്ന് ഞാനിപ്പോൾ തിരിച്ചറിയുന്നു.
ഒരുപാട് പഠനങ്ങളുടെയും തിരിച്ചറിവുകളുടെയും കാലഘട്ടമായിരുന്നു ഇത്. അതേ സമയം ഇത് ഒരു തുടക്കം മാത്രമാണെന്ന് ഞാൻ ഇനിയുമെത്രയോ മുന്നോട്ടു പോകാനുണ്ടെന്നു തിരിച്ചറിയുന്നു. ഇത് ഞാൻ എന്റെ കരിയറായി തിരഞ്ഞെടുക്കുമോ എന്നൊന്നും ഇപ്പോൾ എനിക്കറിയില്ല. എങ്കിലും ഞാൻ രൂപം നൽകി നേടിയെടുത്ത ഈ കഴിവ് എന്നോടൊപ്പം എപ്പോഴുമുണ്ടാകും. ഏകാന്തമായ വഴികളിൽ എന്റെ പിന്നിലെ ശക്തിയും ധൈര്യവുമായി നിന്ന എന്റെ മാതാപിതാക്കൾക്കും പ്രിയപ്പെട്ടവർക്കും നന്ദി എന്നായിരുന്നു വിശേഷം പങ്കുവെച്ച് കല്യാണി കുറിച്ചത്.
