കൃത്യമായ ചർമ്മ സംരക്ഷണം ഇല്ലാതെ വരുമ്പോൾ നിരവധിപേരുടെ മുഖത്ത് പ്രത്യക്ഷപ്പെടുന്നതാണ് ബ്ലാക് ഹെഡ്സ്. കൂടുതലായും ഇത് മൂക്കിലാണ് കാണപ്പെടുന്നത്. ഈ ബ്ലാക്ക് ഹെഡസ് നമ്മള്‍ മുഖം കഴുകിയാൽ മാറണമെന്നില്ല. ഇത് മാറുന്നതിനായി വീട്ടിൽ തന്നെ നമുക്ക് ചില പൊടിക്കൈകൾ ചെയ്യാവുന്നതാണ്.
ഹെയര്‍ ഫോളിക്കിള്‍സ് അടയുമ്പോഴാണ് ചര്‍മ്മത്തില്‍ ബ്ലാക്ക് ഹെഡ്സ് രൂപപ്പെടുന്നത്. മൃതകോശങ്ങള്‍ അമിതമാകുമ്പോഴും മുഖത്ത് എണ്ണമയം നിലനിന്നാലും ഇത് ചര്‍മ്മത്തില്‍ ബ്ലാക്ക് ഹെഡ്സ് വരുന്നതിലേയ്‌ക്ക് നയിക്കാം. ചിലര്‍ക്ക് ബാക്ടീരിയല്‍ ഇന്‍ഫക്ഷനും കാരണമാകുന്നുണ്ട്. ബ്ലാക് ഹെഡ്സ് പെട്ടെന്ന് മാറാൻ വീട്ടിൽ ചെയ്യാവുന്ന ചില പൊടിക്കൈകൾ ഏതൊക്കെയാണെന്ന് നോക്കാം..
നമുക്ക് പെട്ടെന്ന് എടുക്കാവുന്നതാണ് വെളിച്ചെണ്ണയും പഞ്ചസാരയും. വെളിച്ചെണ്ണയില്‍ ആന്റി ഇന്‍ഫ്‌ലമേറ്ററി, അതുപോലെ, ആന്റിബാക്ടീരിയല്‍ ഘടകങ്ങള്‍ അടങ്ങിയിട്ടുണ്ട്. അതുകൊണ്ട് തന്നെ ഇത് ചര്‍മ്മത്തെ നല്ല സ്മൂത്തായി നിലനിര്‍ത്താന്‍ സഹായിക്കുന്നുണ്ട്. ഇനി പഞ്ചസാരയുടെ കാര്യം എടുത്താല്‍ ചര്‍മ്മത്തിലെ മൃതകോശങ്ങള്‍ നീക്കം ചെയ്യാന്‍ പഞ്ചസ്സാര ബെസ്റ്റാണ്. ഇത് അടഞ്ഞുകിടക്കുന്ന ചര്‍മ്മകോശങ്ങളെ തുറക്കാനും സഹായിക്കും. കൂടാതെ, ചര്‍മ്മം നല്ലപോലെ ക്ലിയറാക്കി എടുക്കുന്നതിനും ഇത് സഹായകമാകുന്നു.
ഇത് തയ്യാറാക്കുന്നതിനായി രണ്ട് ടോബിള്‍സ്പൂണ്‍ പഞ്ചസ്സാര എടുക്കുക. ഇതിലേയ്‌ക്ക് കുറച്ച് വെളിച്ചെണ്ണയും ചേര്‍ക്കണം. ഇവ നന്നായി മിക്‌സ് ചെയ്ത് എടുത്തതിന് ശേഷം മുഖത്ത് പുരട്ടാവുന്നതാണ്. ചര്‍മ്മത്തിന്റെ എല്ലാഭാഗത്തും പുരട്ടിയതിന് ശേഷം പതുക്കെ ഒന്ന് മസാജ് ചെയ്ത് കൊടുക്കണം. അതിന് ശേഷം തണുത്ത വെള്ളത്തില്‍ മുഖം കഴുകി എടുക്കാവുന്നതാണ്. രണ്ടാഴ്ച കൂടുമ്പോൾ ഇത് ചെയ്യുന്നതാണ് നല്ലത്.
കറുവപ്പട്ടയും ചെറു നാരങ്ങയുമുണ്ടെങ്കിൽ മറ്റൊരു ടിപ്സ് ചെയ്യാവുന്നതാണ്. ഇതിനായി ആദ്യം തന്നെ രണ്ട് ടേബിള്‍സ്പൂണ്‍ കറുവപ്പട്ട പൊടിയും അതേ അളവില്‍ തന്നെ നാരങ്ങ നീരും എടുക്കുക. ഇവ നന്നായി മിക്‌സ് ചെയ്ത് നല്ല സ്മൂത്ത് പേസ്റ്റ് തയ്യാറാക്കി എടുക്കണം. അതിന് ശേഷം ഇത് മുഖത്ത് നന്നായി തേച്ച് പിടിപ്പിക്കാവുന്നതാണ്. പുരട്ടിയതിന് ശേഷം മുഖം ഒന്ന് പതുക്കെ സ്‌ക്രബ് ചെയ്ത് നല്‍കണം. 20 മിനിറ്റിന് ശേഷം നിങ്ങള്‍ക്ക് ചെറു ചൂടുവെള്ളത്തില്‍ മുഖം കഴുകി എടുക്കാവുന്നതാണ്.
അതുപോലെ ഉപയോഗിക്കാവുന്നതാണ് തേനും പഞ്ചസാരയും. ഇതിനുവേണ്ടി ഒരു ടേബിള്‍സ്പൂണ്‍ പഞ്ചസ്സാരയും അതുപോലെ തന്നെ ഒരു ടേബിള്‍സ്പൂണ്‍ നാരങ്ങ നീരും ചേര്‍ക്കണം. ഇവ നന്നായി മിക്‌സ് ചെയ്ത് മുഖത്ത് പുരട്ടാവുന്നതാണ്. ഇത് മുഖത്ത് പുരട്ടിയതിന് ശേഷം പതുക്കെ സ്‌ക്രബ് ചെയ്ത് കൊടുക്കണം. ഒരു 20 മിനിറ്റ് കഴിഞ്ഞ് നിങ്ങള്‍ക്ക് തണുത്ത വെള്ളത്തില്‍ മുഖം കഴുകി എടുക്കാവുന്നതാണ്.
