മോട്ടോർ സൈക്കിൾ വിപണിയ്ക്ക് കടുത്ത എതിരാളിയെ അവതരിപ്പിച്ച് ഹീറോ. ഹീറോയുടെ എക്സ്ട്രീം 200 എസ് 4വി ഇന്ത്യയിൽ അവതരിപ്പിച്ചിരിക്കുകയാണ് കമ്പനി. 1.41 ലക്ഷം രൂപ മുതലാണ് ഇതിന്റെ എക്സ്ഷോറൂം വില ആരംഭിക്കുന്നത്. മൂൺ യെല്ലോ, പാന്തർ ബ്ലാക്ക് മെറ്റാലികഗ്, സ്റ്റെൽത്ത് എഡിഷൻ എന്നീ കളർ ഓപ്ഷനുകളാണ് ലഭിക്കുന്നത്.
200 സിസി, നാല് വാൽവ്, സിംഗിൾ സിലിണ്ടർ എഞ്ചിൻ എന്നിവയാണ് കമ്പനി നൽകിയിരിക്കുന്നത്. നിലവിൽ വിൽപ്പനയിലുള്ള പതിപ്പിനേക്കാൾ ആറ് ശതമാനം കൂടുതൽ കരുത്തും അഞ്ച് ശതമാനം ടോർക്കും ഉത്പാദിപ്പിക്കുന്നുണ്ട് പുതിയ പതിപ്പ്. ഈ മോട്ടോർസൈക്കിളിൽ ഹീറോ 5 സ്പീഡ് ഗിയർബോക്സ് തന്നെയാണ് നൽകിയിട്ടുള്ളത്.
ബെക്കിന്റെ മുൻവശത്ത് ടെലിസ്കോപിക് സസ്പെൻഷനും പിന്നിൽ 7 സ്റ്റെപ്പ് അഡ്ജസ്റ്റബിൾ മോണോഷോക്കുമാണുള്ളത്. സ്റ്റാൻഡേർഡ് ഫിറ്റമെന്റായി സിംഗിൾ ചാനൽ എബിഎസാണ് ഹീറോ നൽകിയിട്ടുള്ളത്. കിടിലൻ മാറ്റങ്ങളും കമ്പനി നൽകുന്നുണ്ട്. സ്പ്ലിറ്റ് ഹാൻഡിൽബാറും ടയർ ഹഗ്ഗറും ഇതിൽ ഉൾപ്പെടുന്നു.
