പനാജി: പ്രധാനമന്ത്രി നരേന്ദ്ര മോദിയ്ക്ക് നന്ദി അറിയിച്ച് യുഎഇ ഊർജ മന്ത്രി സുഹൈൽ അൽ മസ്റൂയി. ഗോവയിൽ നടന്ന ജി20 ഊർജ മന്ത്രിമാരുടെ യോഗത്തിനിടെയിരുന്നു അദ്ദേഹം നന്ദി അറിച്ചത്. ഇന്ത്യ ആതിഥേയത്വം വഹിച്ച ജി20 ഊർജ പരിവർത്തന യോഗത്തിലേക്ക് ക്ഷണിച്ചതിൽ ഭാരത സർക്കാരിനും പ്രധാനമന്ത്രി നരേന്ദ്ര മോദിക്കും നന്ദി അറിയിക്കുന്നുവെന്ന് സുഹൈൽ അൽ മസ്റൂയി പറഞ്ഞു.
സുസ്ഥിരതയും, ഊർജ പരിവർത്തനവും കേന്ദ്ര വിഷയമാവുന്ന യോഗത്തിലെ ആശയങ്ങൾ തങ്ങൾക്ക് ഉപകാരപ്പെടുമെന്നും അദ്ദേഹം കൂട്ടിച്ചേർത്തു. സാധാരണക്കാരന് ഉദകുന്ന രീതിയിൽ ഊർജ പരിവർത്തനം സാധ്യമാക്കുന്നതിന്റെ പ്രധാന്യവും, ഫോസിൽ ഇന്ധനങ്ങളുടെ ഉദ്വമനത്തിനെതിരെ പോരാടേണ്ടതിന്റെ ആവശ്യകതയും അദ്ദേഹം യോഗത്തിനിടയിൽ ചൂണ്ടിക്കാട്ടി.
ഇന്ത്യ സുസ്ഥിരതയ്ക്ക് പ്രാധാന്യം കൊടുക്കുന്ന രാജ്യമാണ്, വികസനത്തിന്റെ പാതയിൽ അതിവേഗം സഞ്ചരിക്കുന്ന ഇന്ത്യയ്ക്ക് മുന്നിൽ അനന്തമായ സാധ്യകളാണുള്ളതെന്നും ഭാവിയിൽ ഹൈഡ്രജൻ കയറ്റുമതി ചെയ്യാനും രാജ്യത്തിന് സാധിക്കുമെന്നും അൽ മസ്റൂയി പറഞ്ഞു. ‘ഒരു ഭൂമി, ഒരു കുടുംബം, ഒരു ഭാവി, എന്ന പ്രമേയത്തിനെ കേന്ദ്രീകരിച്ചായിരുന്നു ഗോവയിൽ ജൂലൈ 22 ന് ജി20 ഊർജ പരിവർത്തന യോഗം നടന്നത്. യോഗത്തിൽ ഊർജ പരിവർത്തന മേഖലയുമായി ബന്ധപ്പെട്ട് നിരവധി നിർണായക തീരുമാനങ്ങൾ കൈക്കൊണ്ടു
Comments