ഈ കഴിഞ്ഞ ജൂൺ 12-നായിരുന്നു പ്രഭുദേവയ്‌ക്കും ഭാര്യ ഹിമാനിയ്‌ക്കും പെൺകുഞ്ഞ് പിറന്നത്. കുഞ്ഞിന്റെ ജനനത്തിന് പിന്നാലെ തിരക്കുകളെല്ലാം ഒഴിവാക്കി കുടുംബത്തോടൊപ്പം സമയം ചെലവഴിക്കാൻ തീരുമാനിച്ചുവെന്ന് താരം പറഞ്ഞിരുന്നു. ഇപ്പോഴിതാ കുഞ്ഞിനും ഭാര്യയ്‌ക്കും ഒപ്പം തിരുപ്പതിയിൽ എത്തിയ പ്രഭുദേവയുടെ വീഡിയോയാണ് സമൂഹമാദ്ധ്യമങ്ങളിൽ വൈറലാകുന്നത്.
ക്ഷേത്ര ദർശനത്തിനായി തിരുപ്പതിയിലെത്തിയ താരം ക്യൂവിൽ നിൽക്കുന്നത് കാണാം. പിതാവ് സുന്ദരത്തെയും വീഡിയോയിൽ കാണാം. പ്രഭുദേവയാണെന്ന് മനസിലാക്കിയ ആരാധകർ അദ്ദേഹത്തെ നോക്കി കൈ ഉയർത്തി കാണിക്കുന്നതും വീഡിയോയിൽ നിന്നും ദൃശ്യമാണ്. 2020-ലായിരുന്നു പ്രഭുദേവയും ഹിമാനിയും വിവാഹിതരാകുന്നത്. ഒമ്പത് വർഷത്തെ വിവാഹ ബന്ധം വേർപെടുത്തിയതിന് ശേഷമായിരുന്നു രണ്ടാം വിവാഹം. ആദ്യ വിവാഹത്തിൽ മൂന്ന് മക്കളാണ് താരത്തിനുള്ളത്.
ഹിന്ദി, തെലുങ്ക്, തമിഴ് എന്നീ ഭാഷകളിലായി നിരവധി ചിത്രങ്ങൾ പ്രഭുദേവ സംവിധാനം നിർവഹിച്ചിട്ടുണ്ട്. സൽമാൻഖാൻ ചിത്രം രാധേയ് ആണ് താരം സംവിധാനം ചെയ്ത അവസാന ചിത്രം. വാണ്ടഡ്, റൗഡി റാതോർ, രാമയ്യ, വാസ്തവയ്യ, ആർ രാജ്കുമാർ എന്നിവയാണ് സംവിധാനം ചെയ്ത മറ്റ് ചിത്രങ്ങൾ. സംവിധാനത്തിന് പുറമേ അഭിനയത്തിലും അദ്ദേഹം തന്റെ സാന്നിദ്ധ്യം തെളിയിച്ചിട്ടുണ്ട്.
Comments