ടെക്നോളജി രംഗത്ത് പ്രവർത്തിക്കുന്നവരുടെയും പഠിക്കുന്നവരുടെയും സ്വപ്നമാകും ഗൂഗിൾ പോലുള്ള ടെക് ഭീമൻ കമ്പനിയിൽ ജോലി എന്നത്. അത്തരക്കാർക്ക് സുവർണാവസരമൊരുക്കുകയാണ് ഗൂഗിൾ. സേഫ്റ്റ്വെയർ എഞ്ചിനീയറിംഗ് മേഖലയിലെ ബിരുദധാരികൾക്കും ബിരുദാനന്തര ബിരുദധാരികൾക്കും കമ്പനി പുതിയ അവസരങ്ങളാണ് തുറന്നിരിക്കുന്നത്.
ബെംഗളൂരുവിലെ ഗൂഗിൾ കേന്ദ്രത്തിലേക്കാണ് ഉദ്യോഗാർത്ഥികളെ ക്ഷണിച്ചിരിക്കുന്നത്. സോഫ്റ്റ്വെയർ എഞ്ചിനീയർ, മൊബൈൽ, ഗൂഗിൾ നെസ്റ്റ് തുടങ്ങിയ വിഭാഗങ്ങളിലാണ് ഒഴിവുകൾ. തിരഞ്ഞെടുക്കപ്പെടുന്നവർക്ക് ഉന്നത ശമ്പളത്തിനൊപ്പം മികച്ച ആനുകൂല്യവും ലഭിക്കും.
അടിസ്ഥാന യോഗ്യതാ മാനദണ്ഡങ്ങൾക്ക് പുറമേ കമ്പ്യൂട്ടർ സയൻസിലോ ബന്ധപ്പെട്ട ഏതെങ്കിലും സാങ്കേതിക മേഖലയിലോ ബിരുദാനന്തര ബിരുദം അല്ലെങ്കിൽ പിഎച്ച്ഡി, ആൻഡ്രോയിഡ് ആപ്ലിക്കേഷൻ ഡെവലപ്മെന്റിൽ കുറഞ്ഞത് ഒരു വർഷത്തെ പരിചയം, പെർഫോമൻസ് ഒപ്റ്റിമൈസേഷൻ, ലാർജ് സ്കെയിൽ സിസ്റ്റം ഡാറ്റ വിശകലനം, വിഷ്വലൈസേഷൻ ടൂളുകൾ /അല്ലെങ്കിൽ ഡീബഗ്ഗിംഗ് എന്നിവയിൽ കുറഞ്ഞത് ഒരു വർഷത്തെ പരിചയം, ആക്സസ് ചെയ്യാവുന്ന സാങ്കേതികവിദ്യകൾ വികസിപ്പിക്കുന്നതിൽ മുൻ പരിചയം എന്നിവയുള്ളവർക്ക് മുൻഗണന.
Comments