ഖുറാനെ അവഹേളിക്കുന്നവരെ ശിക്ഷിക്കാൻ മുസ്ലീം യുവാക്കൾ തയ്യാറാകണം ; ഇസ്ലാമിനെ അപമാനിക്കാൻ ആരെയും അനുവദിക്കരുതെന്നും ഭീകരനേതാവ് സയ്യിദ് ഹസൻ നസ്‌റല്ല

ഖുറാനെ അപമാനിക്കുന്നത് ഇസ്ലാമിക സമൂഹത്തിന് അംഗീകരിക്കാനാവില്ലെന്ന് ലെബനീസ് ഹിസ്ബുള്ള ഭീകരനേതാവ് സയ്യിദ് ഹസൻ നസ്‌റല്ല . ഇസ്ലാമിനെയും അവരുടെ വിശുദ്ധ ഗ്രന്ഥത്തെയും സംരക്ഷിക്കാൻ മുസ്ലീങ്ങൾ ഉത്തരവാദിത്തത്തോടെ പ്രവർത്തിക്കാൻ പൂർണ്ണമായും തയ്യാറാകണമെന്ന് പറഞ്ഞ് കലാപാഹ്വാനവും സയ്യിദ് ഹസൻ നസ്‌റല്ല നടത്തി.

കഴിഞ്ഞ ഒരു മാസമായി യൂറോപ്പിൽ വിശുദ്ധ ഖുർആനിനെ അവഹേളിക്കുന്ന ആവർത്തിച്ചുള്ള പ്രവൃത്തികൾ ഉണ്ടാകുന്നുണ്ട് . ഖുറാനെയും ഇസ്ലാമിനെയും അവഹേളിക്കുന്നത് വെച്ചുപൊറുപ്പിക്കരുത് . ഖുറാൻ അവഹേളിക്കപ്പെടണമെന്ന ശാഠ്യം ഇസ്ലാമിന് മേലുള്ള കടന്നാക്രമണമാണ് . ഖുറാനെ അവഹേളിക്കുന്നതിനെതിരെ ഓർഗനൈസേഷൻ ഓഫ് ഇസ്ലാമിക് കോ ഓപ്പറേഷന്റെ (ഒഐസി) ഉറച്ച നിലപാടിനായി ഞങ്ങൾ കാത്തിരിക്കുകയാണ്. – സയ്യിദ് ഹസൻ നസ്‌റല്ല പറഞ്ഞു.

ഇസ്ലാമിക രാജ്യങ്ങളും അവരുടെ വിദേശകാര്യ മന്ത്രിമാരും സ്വീഡനിലും ഡെൻമാർക്കിലും ഇസ്ലാമിനെതിരായ ആവർത്തിച്ചുള്ള ആക്രമണങ്ങൾക്കെതിരെ നടപടിയെടുക്കണമെന്നും ഇല്ലെങ്കിൽ നയതന്ത്ര, നയതന്ത്രജ്ഞർക്ക് ആക്രമണം നേരിടേണ്ടിവരുമെന്നും സയ്യിദ് ഹസൻ നസ്‌റല്ല പറഞ്ഞു.

“രാജ്യങ്ങൾ അങ്ങനെ ചെയ്യുന്നില്ലെങ്കിൽ, ലോകത്തിലെ ധീരരായ മുസ്ലീങ്ങളും മുസ്ലീം യുവാക്കളും ഉത്തരവാദിത്തത്തോടെ പ്രവർത്തിക്കാനും തങ്ങളുടെ മതത്തിന്റെ സംരക്ഷണത്തിനായി ഖുറാനെ അവഹേളിക്കുകയും കത്തിക്കുകയും ചെയ്യുന്നവരെ ശിക്ഷിക്കാൻ തയ്യാറാണ്, ഖുറാന്റെ സംരക്ഷണത്തിനായി സന്നിഹിതരാകുന്ന മുസ്ലീം യുവാക്കളുടെ തീക്ഷ്ണത ലോകം കാണുമെന്നും” നസ്റല്ല പറഞ്ഞു.