ഇന്ത്യൻ താരങ്ങൾക്കെതിരെ രൂക്ഷ വിമർശനവുമായി ഇന്ത്യൻ ക്രിക്കറ്റ് ടീം മുൻ കപിൽദേവ്. കഴിഞ്ഞ ദിവസം ദ് വീക്കിന് നൽകിയ അഭിമുഖത്തിലായിരുന്നു ഇതിഹാസം നിലവിലെ താരങ്ങൾക്കെതിരെ ആഞ്ഞടിച്ചത്. എന്നാൽ ഇതിന് മറുപടിയുമായി ഇന്ത്യൻ താരം രവീന്ദ്ര ജഡേജ രംഗത്തെത്തിയതോടെ വാദപ്രതിവാദങ്ങൾ സോഷ്യൽ മീഡിയയിലും നിറഞ്ഞു.
‘ഇന്ത്യൻ ടീമിൽ ഉപദേശം ആവശ്യമുള്ള ഒരുപാട് കളിക്കാരുണ്ട്. സുനിൽ ഗവാസ്‌കറെപ്പോലൊരു ഇതിഹാസ താരം ഉള്ളപ്പോൾ പോലും ആരും ഉപദേശം തേടി പോവാറില്ല. കാരണം അവർക്ക് താനാണ് വലിയവനെന്ന ഈഗോ ആണ്. താരങ്ങൾക്ക് പണമുള്ളത്തിന്റെ അഹങ്കാരമുണ്ട്. അവർ എല്ലാം തികഞ്ഞവരായിരിക്കും, പക്ഷെ പരിചയസമ്പന്നരായ കളിക്കാരിൽ നിന്ന് ഉപദേശം തേടുന്നതുകൊണ്ട് തെറ്റൊന്നുമില്ലല്ലോ- കപിൽ ചോദിച്ചിരുന്നു.
ഏകദിനത്തിന് മുന്‍പുള്ള വാര്‍ത്താ സമ്മേളനത്തില്‍ ഈ ചോദ്യത്തിന് രവീന്ദ്ര ജഡജേ മറുപടി പറഞ്ഞു..’കപിൽ ദേവ് എപ്പോഴാണ് ഇത് പറഞ്ഞതെന്ന് എനിക്കറിയില്ല. കാരണം, സോഷ്യൽ മീഡിയയിൽ ഇത്തരം വാർത്തകൾ തേടിപ്പോയി ഞാൻ വായിക്കാറുമില്ല. എല്ലാവർക്കും അവരുടേതായ അഭിപ്രായം പറയാൻ സ്വാതന്ത്ര്യമുണ്ട്. അതുപോലെ മുൻ കളിക്കാർക്കും അവരുടെ അഭിപ്രായം പറയാൻ അവകാശമുണ്ട്.
പക്ഷെ ഇന്ത്യൻ ടീം അംഗങ്ങൾ അഹങ്കാരികളാണെന്ന് എനിക്ക് തോന്നിയിട്ടില്ല. പിന്നെ ഇത്തരം പ്രസ്താവനകൾ സാധാരണയായി വരാറുള്ളത്, ടീം തോൽക്കുമ്പോഴാണ്. ഇന്ത്യൻ ടീമിലെ ഓരോ അംഗവും രാജ്യത്തെ പ്രതിനിധീകരിക്കുന്നതിൽ അഭിമാനം കൊള്ളുന്നവരും ടീമിനായി മികച്ച പ്രകടനം പുറത്തെടുക്കണം എന്നാഗ്രഹിക്കുന്നവരുമാണ്. എല്ലാവരും ക്രിക്കറ്റ് ആസ്വദിക്കുമ്പോൾ തന്നെ ആരും വെറുതെ ടീമിലെത്തിയതാണെന്ന് കരുതുന്നില്ല.ഓരോരുത്തരും ടീമിലെ സ്ഥാനം നിലനിർത്താൻ കഠിനമായി അധ്വാനിക്കുന്നുമുണ്ട്. ഞങ്ങളെല്ലാവരും ടീമിനായി 100 ശതമാനം നൽകുന്നവരാണ്- ജഡേജ പറഞ്ഞു.
We are definitely going to play our best cricket in the third & final ODI: Ravindra Jadeja #TeamIndia | #WIvIND | @imjadeja pic.twitter.com/4oRPC255n3
— BCCI (@BCCI) July 31, 2023
“>
