തിരുവനന്തപുരം: ദേശീയപാതയില്‍ കല്ലമ്പലം-കൊല്ലം റോഡില്‍ കാറിനുള്ളില്‍ ആലപ്പുഴ മെഡിക്കല്‍ കോളേജിലെ അവസാന വര്‍ഷ എംബിബിഎസ് വിദ്യാര്‍ഥിയെ മരിച്ചനിലയില്‍ കണ്ടെത്തി. കിളിമാനൂര്‍ മുളക്കലത്തുകാവ് സ്വദേശി അന്‍സാര്‍-സീന ദമ്പതികളുടെ മകന്‍ ആഷിഖ് (23) ആണ് മരിച്ചത്.
Don’t miss the latest breaking news and updates! Subscribe to Janam TV’s WhatsApp channel now…
https://whatsapp.com/channel/0029Va4LMqWE50UdrVhraq0y
കാറിനുള്ളില്‍ ചാര്‍ക്കോള്‍ കത്തിച്ച നിലയിലായിരുന്നു. ഇതില്‍നിന്നുണ്ടായ വിഷവാതകം ശ്വസിച്ചതാണ് മരണകാരണമെന്നാണ് പ്രാഥമികമായി കണ്ടെത്തിയിരിക്കുന്നത്. ആത്മഹത്യയാണെന്നാണ് പൊലീസിന്റെ പ്രാഥമിക നിഗമനം. മൃതശരീരം പാരിപ്പള്ളി മെഡിക്കല്‍ കോളേജ് ആശുപത്രി മോര്‍ച്ചറിയില്‍ സൂക്ഷിച്ചിരിക്കുകയാണ്. സംഭവത്തില്‍ കല്ലമ്പലം പൊലീസ് അന്വേഷണം ആരംഭിച്ചു.
