ഏഷ്യൻ ഗെയിംസിനുള്ള ഇന്ത്യൻ ഫുട്ബോൾ ടീമിനെ പ്രഖ്യാപിച്ചു. 22 അംഗ ടീമിൽ മലയാളി താരം രാഹുൽ കെപിയുമുണ്ടാകും. സുനിൽ ഛേത്രിയാകും ടീമിനെ നയിക്കുക. സെപ്റ്റംബർ 19 മുതൽ ഒക്ടോബർ ഏഴ് വരെ ചൈനയിലെ ഹാങ്ഷോവിലാണ് ഏഷ്യൻ ഗെയിംസ്.
ദേശീയ തലത്തിൽ തകർപ്പൻ പ്രകടനം കാഴ്ച വെച്ച സഹൽ അബ്ദുൾ സമദിന് ടീമിൽ ഇടം നേടാനായില്ല. 23 വയസിന് മുകളിലുള്ള മൂന്ന് താരങ്ങളെ മാത്രമേ ടീമിൽ പരിഗണിക്കാൻ പാടുള്ളൂവെന്ന നിയമമാണ് സഹലിനെ മാറ്റിനിർത്തിയത്. സന്ദേശ് ജിങ്കൻ, ഗുർപ്രീത് സിംഗ്, സുനിൽ ഛേത്രി എന്നിവരാണ് ആ മൂന്ന് പേർ.
ഗോൾകീപ്പർമാർ:- ഗുർപ്രീത് സിംഗ് സന്ധു, ഗുർമീത് സിംഗ്, ധീരജ് സിംഗ് മൊയ്റംഗ്തെം. ഡിഫൻഡർമാർ:- സന്ദേശ് ജിംഗൻ, അൻവർ അലി, നരേന്ദർ ഗഹ്ലോട്ട്, ലാൽചുങ്നുംഗ, ആകാശ് മിശ്ര, റോഷൻ സിംഗ്, ആശിഷ് റായ്. മിഡ്ഫീൽഡർമാർ:- ജീക്സൺ സിംഗ് തൗണോജം, സുരേഷ് സിംഗ് വാങ്ജാം, അപുയ റാൾട്ടെ, അമർജിത് സിംഗ് കിയാം, രാഹുൽ കെ.പി, നൗറെം മഹേഷ് സിംഗ്. ഫോർവേഡുകൾ:- ശിവശക്തി നാരായണൻ, റഹീം അലി, അനികേത് ജാദവ്, വിക്രം പ്രതാപ് സിംഗ്, രോഹിത് ദാനു, സുനിൽ ഛേത്രി എന്നിവരാണ് ഇന്ത്യൻ ടീമിനെ നയിക്കുക. ആതിഥേയരായ ചൈന, മ്യാന്മർ, ബംഗ്ലാദേശ് എന്നിവരടങ്ങിയ ഗ്രൂപ്പ് എയിലാണ് ഇന്ത്യ. ആകെ 23 ടീമുകളെ 6 ഗ്രൂപ്പുകളായി തിരിച്ചിരിക്കുന്നു. ഡി ഗ്രൂപ്പിൽ മൂന്ന് ടീമുകളും എ മുതൽ എഫ് വരെയുള്ള ടീമുകളിൽ 4 ടീമുകളുമാണ് ഉള്ളത്.
