തിരുവനന്തപുരം: ഗണപതി ഭഗവാനെ കുറിച്ച് സമൂഹമാദ്ധ്യമങ്ങളിലൂടെ അസഭ്യവും അപകീർത്തിപരവുമായ പരാമർശങ്ങൾ നടത്തിയ ഹോംസ്റ്റേ നടത്തിപ്പുകാരനായ സന്ദീപാനന്ദ കോണ്ഗ്രസ് പരിപാടിയില്. ഇന്ത്യന് ഓവര്സീസ് കോണ്ഗ്രസ് ചിക്കാഗോയില് സംഘടിപ്പിക്കുന്ന പരിപാടിയിലെ മുഖ്യാതിഥിയാണ് സന്ദീപാനന്ദ. മണിപ്പൂരിന് ഐക്യദാര്ഡ്യം പ്രഖ്യാപിക്കാന് ചേരുന്ന പരിപാടിയിൽ ഫോ പോള് ചൂരത്തൊട്ടിയും പങ്കെടുക്കുന്നുണ്ട്.
ഹിന്ദു വിരുദ്ധനായ, കമ്മ്യൂണിസ്റ്റുകാര്ക്ക് വേണ്ടി വിടുപണി ചെയ്യുന്ന ഒരാളെ കോണ്ഗ്രസ് പരിപാടിയിലേക്ക് ക്ഷണിച്ചതില് കോണ്ഗ്രസ് സംഘടനനയിൽ തന്നെ പ്രതിഷേധം ശക്തമായിട്ടുണ്ട്. സ്വകാര്യ സന്ദര്ശനത്തിനായാണ് ഇയാൾ അമേരിക്കയിലെത്തുന്നത്.
അമേരിക്കയിലെ കോണ്ഗ്രസ് പരിപാടി തന്നെ തട്ടിപ്പാണെന്ന ആരോപണവും ഉയരുന്നുണ്ട്. പരിപാടി നടത്തുന്ന സംഘാടകരുടെ വിവരങ്ങളൊന്നും ഇല്ലാത്ത വെറും തട്ടിക്കൂട്ട് പോസ്റ്ററാണ് തയ്യാറാക്കിയിരിക്കുന്നത്. സന്ദീപാനന്ദ തന്നെയാണ് ഇത് സമൂഹ മാദ്ധ്യമങ്ങളിലൂടെ പ്രചരിപ്പിച്ചത്.
അടുത്തയിടെ ഗണപതി ഭഗവാനുമായി ബന്ധപ്പെട്ട് വളരെ അസഭ്യവും അപകീർത്തിപരവുമായ പരാമർശങ്ങളാണ് സാന്ദീപനാന്ദ നടത്തിയത്. ഹോംസ്റ്റേ നടത്തിപ്പുകാരനനെതിരെ മഹാരാഷ്ട്ര പോലീസിനടക്കം പരാതി ലഭിച്ചിട്ടുണ്ട്.
