വിദേശ രാജ്യങ്ങളില്‍ നിന്ന് വന്യമൃങ്ങളെ കടത്തിക്കൊണ്ടുവരുന്ന സംഭവങ്ങള്‍ പതിവാകുന്നതിനിടെ കടത്തിന് ശ്രമിച്ച തമിഴ്‌നാട് സ്വദേശിയായ ഒരാളെ ബെംഗളുരു വിമാനത്താവളത്തില്‍ സുരക്ഷാ സേന പിടികൂടി. തായ് എയര്‍ ഏഷ്യാ എഫ്ഡി 137 വിമാനത്തിലെത്തിയ യാത്രക്കാരനെയാണ് കെംപേഗൗഡ വിമാനത്താവളത്തില്‍ നിന്ന് പിടികൂടിയത്.
234 വന്യമൃഗങ്ങളെയാണ് ഇയാള്‍ ബാങ്കേക്കില്‍ നിന്ന് ഇന്ത്യയിലേക്ക് കടത്താന്‍ ശ്രമിച്ചത്. ബുധനാഴ്ച രാത്രി പത്തരയോടെയാണ് 32-കാരനായ ഇയാളെ പിടികൂടിയത്. കടത്തിക്കൊണ്ടുവരുന്നതിനിടെ സ്യൂട്ട്‌കേസില്‍ അടച്ചിരുന്ന കങ്കാരു കുഞ്ഞ് ചത്തുപോയിരുന്നു. ഇതിനൊപ്പം ചെറു ആമകളെയും മൂര്‍ഖനും പെരുമ്പാമ്പും അടക്കമുള്ളവയുടെ കുഞ്ഞുങ്ങളെയും ഉരഗങ്ങളെയും ഇയാള്‍ കടത്തിക്കൊണ്ടുവന്നു. വിലപിടിപ്പേറിയ വിവിധതരം മൃഗങ്ങളെയാണ് ഇയാള്‍ നാട്ടിലെത്തിച്ചത്.
കസ്റ്റംസാണ് രഹസ്യ വിവരത്തെ തുടര്‍ന്ന് ഇയാളെ പിടികൂടിയത്. ഗ്രീന്‍ചാനല്‍ വഴി പുറത്ത് കടക്കാന്‍ ശ്രമിക്കുമ്പോഴാണ് പിടിയിലായത്. വലിയ ട്രോളി ബാഗുകളിലാണ് കടത്തിന് ശ്രമിച്ചത്. പ്രതിവര്‍ഷം 15 ബില്യണ്‍ ഡോളറിന്റെ വന്യമൃഗ കടത്ത് നടക്കുന്നതായാണ് വിവരം.
In a tragic climax to a brutal wildlife smuggling incident at Bengaluru Airport, a baby Kangaroo died due to suffocation after a TN wildlife smuggler flew Joey inside a suitcase from Bangkok to @BLRAirport along with 233 reptiles including cobras, crocodiles, tortoises, lizards. pic.twitter.com/63x5ULc8HY
— Petlee Peter (@petleepeter) August 23, 2023
“>
Comments