തലസ്ഥാനത്ത് നവജാത ശിശുവിനെ നിലത്തെറിഞ്ഞ് പിതാവ്, കുഞ്ഞ് ആശുപത്രിയില്‍

തിരുവനന്തപുരം: ഭാര്യയുമായുള്ള തര്‍ക്കത്തെ തുടര്‍ന്ന് മൂന്നുമാസം പ്രായമുള്ള പിഞ്ചുകുഞ്ഞിനെ നിലത്തെറിഞ്ഞ് കൊല്ലാന്‍ യുവാവിന്റെ ശ്രമം. നവജാത ശിശുവിനെ നടുറോഡിലാണ് ദാരുണമായി വലിച്ചെറിഞ്ഞത്. കുഞ്ഞിനെ മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു.

ഇന്ന് രാത്രി 8.30 ഓടെയായിരുന്നു സംഭവം. മെഡിക്കല്‍ കോളേജ് ജംഗ്ഷന് സമീപമാണ് ദാരുണ സംഭവം നടന്നതെന്നാണ് സൂചന. നാട്ടുകാര്‍ കൈകാര്യം ചെയ്ത് പ്രതിയെ മെഡിക്കല്‍ കോളേജ് പോലീസിന് കൈമാറിയെന്നാണ് വിവരം. കണിയാപുരം സ്വദേശിയായ വിഷ്ണുവാണ് പോലീസിന്റെ പിടിയിലായത്. വിഷ്ണു മദ്യലഹരിയിലായിരുന്നുവെന്ന് പേലീസ് പറഞ്ഞു.