അബുദാബി: ഗതാഗത നിയമ ലംഘനങ്ങൾക്കുള്ള പിഴയിൽ ഇളവുമായി അബുദാബി പോലീസ്. നിയമ ലംഘനം നടത്തിയ തീയതി മുതൽ ആദ്യത്തെ 60 ദിവസത്തിനുള്ളിൽ അടയ്ക്കുകയാണെങ്കിൽ പിഴയിൽ 35 ശതമാനവും 60 ദിവസത്തിന് ശേഷം ഒരു വർഷത്തെ കാലാവധിയ്ക്കുള്ളിൽ അടയ്ക്കുമ്പോൾ 25 ശതമാനം ഇളവുമാണ് പ്രഖ്യാപിച്ചിരിക്കുന്നത്.
ബ്ലാക്ക് പോയിന്റ് ഒഴിവാക്കുമെന്നും പോലീസ് പ്രഖ്യാപിച്ചിട്ടുണ്ട്. ഗുരുതരമായ നിയമ ലംഘനങ്ങൾക്ക് ഇളവ് ബാധകമായിരിക്കില്ല. 12 മാസത്തേയ്ക്ക് പൂജ്യം പലിശ നിരക്കിൽ അബുദാബി പോലീസിൽ രജിസ്റ്റർ ചെയ്തിട്ടുള്ള ബാങ്കുകൾ വഴി തവണകളായി പിഴ അടയ്ക്കാമെന്നും പോലീസ് അറിയിച്ചു.
അബുദാബി ഗവൺമെന്റിന്റെ ഡിജിറ്റൽ ചാനലുകൾ പോലീസിന്റെ ഉപയോക്തൃ സേവനത്തിലൂടെ, പ്ലാറ്റ്ഫോമുകളിലൂടെ, നേരിട്ടുള്ള പണമടയ്ക്കൽ എന്നീ ഒട്ടേറെ മാർഗങ്ങളുണ്ട്. ഡ്രൈവർമാർക്കും വാഹന ഉടമകൾക്കും ജീവിതം സുഗമമാക്കാനാണ് ഈ സേവനം ലക്ഷ്യമിടുന്നതെന്ന് പോലീസ് വ്യക്തമാക്കി.
Comments