No.10
ദ ഡ്രീം ഓഫ് ദ റെഡ് ചേംബർ
1791 ൽ ചൈനീസ് നോവലിസ്റ്റായ കാഓ ക്സുക്വീൻ രചിച്ച നോവലാണ് ‘ദ ഡ്രീം ഓഫ് ദ റെഡ് ചേംബർ’. ചൈനയിലെ എക്കാലത്തെയും മികച്ച ക്ലാസിക്കുകളിൽ ഒന്നായാണ് ഇതിനെ കരുതപ്പെടുന്നത്. ദ സ്റ്റോറി ഓഫ് ദ സ്റ്റോൺ എന്നായിരുന്നു നോവലിന്റെ ആദ്യ പേര്. ശേഷം ‘ദ ഡ്രീം ഓഫ് ദ റെഡ് ചേംബർ’ എന്നാക്കി മാറ്റുകയായിരുന്നു. പുസ്തകത്തിന്റെ 105 ദശലക്ഷം (10.5 കോടി) കോപ്പികളാണ് ഇതുവരെ വിറ്റുപോയത്.
No.09
ദ ഹോബിറ്റ്
ബ്രിട്ടീഷ് നോവലിസ്റ്റ് ജെആർആർ ടോൾകെയ്ൻ രചിച്ച് 1937 ൽ പുറത്തിറക്കിയ ഫാന്റസി നോവലാണ് ദ ഹോബിറ്റ്. ഇംഗ്ലീഷ് ഭാഷയിൽ പുറത്തിറങ്ങിയ പുസ്തകം ഇതിനോടകം 11 കോടി കോപ്പികളാണ് വിറ്റുപോയത്.
No:08
ആൻഡ് ദെൻ ദെയർ വെയർ നൊൺ
ബ്രിട്ടീഷ് എഴുത്തുകാരി അഗത ക്രിസ്റ്റിയുടെ നോവലാണ് ആൻഡ് ദെൻ ദെയർ വെയർ നൊൺ. 1939 ൽ പുറത്തിറങ്ങിയ പുസ്തകം ലോകത്തിലെ തന്നെ ഏറ്റവും മികച്ച ക്രൈം നോവലായി വിലയിരുത്തപ്പെടുന്നു. 11.5 കോടി കോപ്പികളാണ് ഇതുവരെ വിറ്റുപോയത്.
No:07
സ്കൗട്ടിംഗ് ഫോർ ബോയ്സ്
സ്കൗട്ട് സ്ഥാപകൻ റോബർട്ട് ബേഡൽ പവ്വലിന്റെ പുസ്തകമാണ് സ്കൗട്ടിംഗ് ഫോർ ബോയ്സ്. 1908 ൽ ഇംഗ്ലീഷ് ഭാഷയിൽ പുറത്തിറങ്ങിയ പുസ്തകം സ്കൗട്ടുകൾക്കുള്ള മാർഗ നിർദ്ദേശമാണ് പങ്കുവെക്കുന്നത്. 12 കോടി കോപ്പികളാണ് ഇതുവരെ പുറത്തിറങ്ങിയത്.
No: 06
ഹാരിപോട്ടർ ആൻഡ് ഫിലോസഫേർസ് സ്റ്റോൺ
വിഖ്യാത നോവൽ ഹാരിപോട്ടർ ആൻഡ് ഫിലോസഫേർസ് സ്റ്റോൺ ആണ് വിൽപ്പനിയിൽ ആറാം സ്ഥാനത്തുള്ള പുസ്തകം. ബ്രിട്ടീഷ് എഴുകാരി ജെകെ റൗളിംഗ് രചിച്ച നോവൽ 1997 ലാണ് പുറത്തിറങ്ങിയത്. 12.5 കോടി പുസ്തകങ്ങളാണ് ഇതുവരെ വിറ്റഴിച്ചിരിക്കുന്നത്.
No:05
ദ ലിറ്റിൽ പ്രിൻസ്
കുട്ടികൾക്കായുള്ള നോവലാണ് ദ ലിറ്റിൽ പ്രിൻസ്. 1943 ൽ ഫ്രഞ്ചുകാരനായ അന്റോണിയ ദ സെയിന്റ് എക്സുപെറിയാണ് പുസ്തകം രചിച്ചത്. ഫ്രഞ്ച് ഭാഷയിൽ പുറത്തിറക്കിയ പുസ്തകം 14 കോടി കോപ്പികളാണ് ഇതുവരെ വിറ്റഴിച്ചത്.
No:04
ദ ലോർഡ് ഓഫ് ദ റിംഗ്സ്
ജോൺ ടോൾക്കെയ്ൻ രചിച്ച നോവലാണ് ദ ലോർഡ് ഓഫ് ദ റിംഗ്സ്. 1954 ൽ പുറത്തിറങ്ങിയ നോവലിനെ ആസ്പദമാക്കി നിരവധി ഭാഷകളിൽ സിനിമകൾ പുറത്തിറങ്ങിയിട്ടുണ്ട്. 15 കോടി 50 ലക്ഷം കോപ്പികളാണ് ഇതിനോടകം വിറ്റഴിച്ചത്.
No:03
ഖുറാൻ
മുസ്ലീം മതവിഭാഗം വിശുദ്ധ ഗ്രന്ഥമായി കരുതപ്പെടുന്ന ഖുറാനാണ് ലോകത്തിൽ ഏറ്റവും കൂടുതൽ വിറ്റഴിക്കപ്പെട്ടിരിക്കുന്ന മൂന്നാമത്തെ ഗ്രന്ഥം. പ്രവാചകൻ എന്ന് മുഹമ്മദിന് ദൈവം പറഞ്ഞുകൊടുത്ത ഉപദേശങ്ങളാണ് ഖുറാൻ എന്നാണ് കരുതപ്പെടുന്നത്. വിവിധ ഭാഷകളിലായി 80 കോടിയോളം കോപ്പികളാണ് ഇതുവരെ വിറ്റുപോയത്.
No:02
ലിറ്റിൽ റെഡ് ബുക്ക്
ലിറ്റിൽ റെഡ് ബുക്ക് എന്നറിയപ്പെടുന്ന മാവോ സെ തുങ്ങിന്റെ പ്രധാനപ്പെട്ട വാക്യങ്ങൾ അടങ്ങിയ പുസ്തകം ചൈനീസ് കമ്മ്യൂണിസ്റ്റ് പാർട്ടിയാണ് പുറത്തിറക്കുന്നത്. ഇതുവരെ 100 കോടി 10 ലക്ഷം കോപ്പികൾ പ്രിന്റ് ചെയ്ത് വിതരണം ചെയ്തു.
No:01
ബൈബിൾ
ലോകത്തിലെ ഏറ്റവും വലിയ മതമായ ക്രിസ്തു മതത്തിന്റെ വിശുദ്ധ ഗ്രന്ഥം ബൈബിളാണ് ലോകത്തിൽ ഏറ്റവും കൂടുതൽ വിറ്റഴിക്കപ്പെട്ടിട്ടുള്ള പുസ്തകം. ക്രിസ്തു മത സ്ഥാപകൻ യേശുക്രിസ്തുവിന്റെ വചനങ്ങളാണ് ഗ്രന്ഥം ഉൾക്കൊള്ളുന്നത്. 500 കോടി പുസ്തകങ്ങളാണ് ഇതിനോടകം പല ഭാഷകളിലായി പ്രിന്റ് ചെയ്തിരിക്കുന്നത്.
