38-ാം വയസിലും ഈ ഗോള്‍ മെഷീന് ഒരിടത്തും സ്‌റ്റേപ്പില്ലെന്ന് തെളിയിക്കുകയാണ് പോര്‍ച്ചുഗല്‍ ഇതിഹാസം ക്രിസ്റ്റ്യാനോ റോണാള്‍ഡോ. അല്‍-നാസര്‍ 5-1 ന് അല്‍-ഹസമിനെതിരെ വിജയിച്ച മത്സരത്തില്‍ താരം കരിയറിലെ 850-ാം ഗോള്‍ പൂര്‍ത്തിയാക്കി.
കഴിഞ്ഞ മൂന്നുമത്സരത്തനിടെ 6 ഗോളുകളാണ് അടിച്ചുകൂട്ടിയത്. ലീഗില്‍ തുടര്‍ച്ചയായ മൂന്നാം വിജയവും അല്‍-നസര്‍ നേടി. ഫുട്‌ബോള്‍ ചരിത്രത്തില്‍ ആദ്യമായാണ് ഒരു താരം 850 കരിയര്‍ ഗോളുകള്‍ എന്ന നേട്ടം കൈപിടിയിലൊതുക്കുന്നത്.
ദേശീയ ടീമിനയി 123 ഗോളുകള്‍ നേടിയ താരം റയല്‍ മാഡ്രിഡില്‍ 450 ഗോളുകളും പൂര്‍ത്തിയാക്കിയിരുന്നു. മാഞ്ചസ്റ്ററില്‍ 150 ഗോള്‍ നേടിയ താരം യുവന്റസിനായി 101 തവണ വലകുലുക്കി. സ്‌പോര്‍ട്ടിംഗില്‍ 5 ഗോളും അല്‍നസറില്‍ ഇതുവരെ 26 ഗോളുകളുമാണ് താരത്തിന്റെ സമ്പാദ്യം. ഇനിയും ഗോളടി തുടരാന്‍ തന്നെയാണ് താരത്തിന്റെ തീരുമാനവുമെന്നാണ് ആരാധകര്‍ പറയുന്നത്.
