ഭക്ഷണം എന്നത് ഒഴിവാക്കാനാവാത്ത ഘടകമാണ്. ഇതിൽ തന്നെ നിർബന്ധമായും നാം കഴിക്കേണ്ടത് പ്രഭാത ഭക്ഷണമാണ്. പകല് മുഴുവന് ആവശ്യമായ ഊര്ജ്ജം നല്കുന്നതിനോടൊപ്പം നമ്മുടെ ആരോഗ്യപരിപാലനത്തിൽ കൃത്യമായ പങ്കുവഹിക്കുന്നത് പ്രാതലാണ്. എന്നാൽ രാവിലെ ആഹാരം പാകം ചെയ്യാനുള്ള മടിയും സമയക്കുറവും മൂലം പലരും പ്രഭാത ഭക്ഷണം വിട്ടുകളയാറുണ്ട്. ഇത്തരത്തിലുള്ളവർക്ക് പരീക്ഷിക്കാവുന്ന പ്രാതൽ പൊടിയെക്കുറിച്ച് പരിചയപ്പെടാം..
ഇതിനായി ഒരു കപ്പ് പയർ ചട്ടിയിൽ ചൂടാക്കി വെക്കുക, അതുപോലെ റാഗിയും ചൂടാക്കി വെക്കുക, ശേഷം അണ്ടിപ്പരിപ്പും പിസ്തയും ഓട്സും ഏലയ്ക്കയും കറുവപ്പട്ടയും ചേർത്ത് നന്നായി ചൂടാക്കുക. ശേഷം ചൂടാക്കി വച്ച എല്ലാ മൃശ്രിതങ്ങളും കൽക്കണ്ടും ചേർത്ത് പൊടിച്ചെടുക്കുക. എന്നിട്ട് ഇവ നന്നായി അരിച്ചെടുത്ത് ഒരു കുപ്പിയിലാക്കി സൂക്ഷിക്കാം. ഒരു ഗ്ലാസ് പാലിൽ ഒരു സ്പൂൺ പൊടി എടുത്തതിന് ശേഷം നന്നായി മിക്സ് ചെയ്ത് ദിവസവും കഴിക്കാവുന്നതാണ്.
Comments