കോഴിക്കോട്: നിപ വൈറസ് ജാഗ്രതയെ തുടർന്ന് കോഴിക്കോട് എൻ.ഐ.ടിയിലും നിയന്ത്രണം ഏർപ്പെടുത്തി. സെപ്‌റ്റംബർ 18 മുതൽ 23 വരെ എല്ലാ ക്ലാസുകളും ഓൺലൈൻ വഴി നടക്കും. ജില്ല അധികാരികളുടെ നിര്‍ദ്ദേശങ്ങൾ പരിഗണിച്ച് ഇൻസ്റ്റിറ്റ്യൂട്ടിൽ ഉടനടി നിയന്ത്രണങ്ങൾ പ്രാബല്യത്തിൽ വരുമെന്ന് എൻ.ഐ.ടി.സി രജിസ്ട്രാർ അറിയിച്ചു.
നിലവിലെ സാഹചര്യത്തിൽ യു.ജി, പി.ജി ഉന്നത ക്ലാസുകളിലെ ഷെഡ്യൂൾ ചെയ്ത പരീക്ഷകൾ മാറ്റിവച്ചു. പുതുക്കിയ സമയക്രമം പിന്നീട് പ്രഖ്യാപിക്കും. ഡീനും എച്ച്.ഒ.ഡിയുമായി കൂടിയാലോചിച്ച് ടൈം ടേബിൾ പുനഃക്രമീകരിക്കും. ഹാജർ ആവശ്യകതകൾ പതിവുപോലെ തുടരും. പ്രഖ്യാപിത കണ്ടെയ്‌ൻമെൻ് സോണുകളിൽ താമസിക്കുന്ന വിദ്യാർത്ഥികളും ജീവനക്കാരും സ്ഥിരമോ കരാറോ ആയവരും ജില്ലാ അതോറിറ്റിയുടെ അംഗീകാരം ലഭിക്കുന്നതുവരെ ഇൻസ്റ്റിറ്റ്യൂട്ടിൽ പ്രവേശിക്കരുതെന്നാണ് നിർദ്ദേശം. ഡേ സ്കോളർമാർ ഓൺലൈൻ ക്ലാസുകളിൽ പങ്കെടുക്കണം, ഓൺലൈൻ ക്ലാസുകൾ നടക്കുന്നത് വരെ ഇൻസ്റ്റിറ്റ്യൂട്ട് സന്ദർശിക്കരുത്.
നിലവിൽ കാമ്പസിൽ താമസിക്കുന്ന ഹോസ്റ്റലിലെ എല്ലാ താമസക്കാരും കാമ്പസിനു പുറത്തുള്ള യാത്രകൾ ഒഴിവാക്കേണ്ടതാണ്. കാമ്പസിൽ നിന്നും പുറത്തേക്കും കാമ്പസിലേക്കുമുള്ള സഞ്ചാരം നിയന്ത്രിച്ചിരിക്കുന്നു. ഇൻസ്റ്റിറ്റ്യൂട്ടിലെ എല്ലാവരും മാസ്ക് ധരിക്കുന്നത് നിർബന്ധമാണ്. എല്ലാവരും പരസ്പരം 3 അടി അകലം പാലിക്കണം. കൈ ശുചിത്വവും പാലിക്കണം. സാമൂഹിക അകലവും കൈ ശുചിത്വവും. പുറത്ത് റെസ്റ്റോറന്റുകൾ, മാർക്കറ്റുകൾ, തിരക്കേറിയ പ്രദേശങ്ങൾ തുടങ്ങിയവയിലേക്കുള്ള സന്ദർശനങ്ങൾ ഒഴിവാക്കണം. അത്യാവശ്യമല്ലാതെ തിരക്കേറിയ ഒരു സ്ഥലവും സന്ദർശിക്കരുതെന്നും ഇൻസ്റ്റിറ്റ്യൂട്ട് നിര്‍ദ്ദേശം നല്‍കിയിട്ടുണ്ട്. എച്ച്.ഒ.ഡി/ഡീൻ/രജിസ്ട്രാർ/ഡയറക്ടര്‍ എന്നിവരുടെ പ്രത്യേക അനുമതിയില്ലാതെ ഇൻസ്റ്റിറ്റ്യൂട്ടിലേക്കുള്ള സന്ദർശകരെ അനുവദിക്കില്ല. സന്ദർശകർ എപ്പോഴും മാസ്ക് ധരിക്കണമെന്നുമാണ് രജിസ്ട്രാറുടെ ഉത്തരവില്‍ പറയുന്നത്.
Comments