തിരുവനന്തപുരം: കേരളത്തെ പൊന്നുപോല കാത്ത് സൂക്ഷിക്കുന്ന ഗവണ്‍മെന്റാണ് ഇന്ന് കേരളത്തിലുള്ളതെന്ന് എല്‍.ഡി.എഫ് കണ്‍വീനര്‍ ഇ.പി ജയരാജന്‍. ഒട്ടനവധി അഭ്യാസങ്ങള്‍ കാണിച്ച് ഒരു വിഷമങ്ങളും ജനങ്ങളെ അറിയിക്കാതിരിക്കാന്‍ ത്യാഗ പൂര്‍ണമായ പ്രവര്‍ത്തനമാണ് സര്‍ക്കാര്‍ കാഴ്ചവയ്‌ക്കുന്നതെന്നും ഇപി ജയരാജന്‍ പറഞ്ഞു. സത്യഗ്രഹ സമരം ഉദ്ഘാടനം ചെയ്യുന്നതിനിടെയായിരുന്നു പരാമര്‍ശം.
കടം വാങ്ങി കേരളം വികസിക്കുമെന്നും ആ വികസനത്തിലൂടെ ബാദ്ധ്യതകള്‍ തീര്‍ക്കും. കേരളം സാമ്പത്തികമായി വെല്ലുവിളി നേരിടുന്ന സംസ്ഥാനമാണെന്നും ബി.ജെ.പിക്കൊപ്പം ചേര്‍ന്ന് യുഡിഫ് കേരളത്തിന്റെ വികസനത്തിന് എതിര് നില്‍ക്കുന്നുവെന്നും ഇപി പറഞ്ഞു.
ഏഴര വര്‍ഷമായി കേരളത്തില്‍ യുഡിഫ് ഒരു വികസന പ്രവര്‍തനത്തിനും സഹകരിക്കുന്നില്ല. കേരളത്തില്‍ നികുതി കുടിശിക പിരിച്ചെടുക്കുന്നില്ലെന്ന് പ്രചരിപ്പിച്ച എജി രാഷ്‌ട്രീയം കളിക്കുകയാണ്. റിപ്പോര്‍ട്ട് സമര്‍പ്പിക്കേണ്ട ആളാണ് എജി. പത്ര സമ്മേളനം നടത്താന്‍ എജിക്ക് എന്ത് അവകാശമാണുള്ളതെന്നും ഇപി ചോദിച്ചു.
