കുട്ടികൾക്ക് കളിസ്ഥലമില്ലെന്ന് ചൂണ്ടിക്കാട്ടുന്ന ഇന്ത്യൻ ക്രിക്കറ്റ് താരം വിരാട് കോഹ്ലിയുടെ വീഡിയോയിൽ സ്വമേധയാ കേസെടുത്ത് ഉത്തരാഖണ്ഡ് ഹൈക്കോടതി. കുട്ടികളുടെ കളിസ്ഥലത്തെ പറ്റി കേന്ദ്ര -സംസ്ഥാന സർക്കാരുകളോട് മറുപടി അറിയിക്കാൻ ആവശ്യപ്പെട്ട് ഹൈക്കോടതി നോട്ടീസയച്ചു. ഓൺലൈൻ ഗെയിമിനും മൊബൈൽ ഫോണിനും കുട്ടികൾ അടിമപ്പെടുന്നതിന്റെ കാരണം കളിസ്ഥലമില്ലാത്തതാണെന്നും കോടതി ചൂണ്ടിക്കാട്ടി.
കുട്ടികൾ കളിക്കട്ടെ എന്ന ഹാഷ്ടാഗോടെ സ്റ്റാർസ്പോർട്സ് പങ്കുവച്ച വിരാട് കോഹ്ലിയുടെ വീഡിയോയാണ് നടപടിയെടുക്കാൻ കോടതിയെ പ്രേരിപ്പിച്ചത്. കുട്ടികൾക്കൊപ്പം താരം ഒരു വീടിന്റെ മുന്നിൽ ക്രിക്കറ്റ് കളിക്കുന്നതിനിടെ ബോൾ മറ്റൊരു വീട്ടിൽ വീഴുന്നു. ബോൾ ഇനി കിട്ടില്ലെന്ന് കരുതി വിഷമിച്ചിരിക്കുന്ന കുട്ടികളോട് ബോൾ ഞാൻ പോയി വാങ്ങാമെന്ന് താരം പറയുന്നു. ബോൾ വീട്ടിലേക്ക് അടിച്ചിട്ട കുട്ടികളാണെന്ന് കരുതി ദേഷ്യത്തോടെ വരുന്ന ഉടമസ്ഥ, കോഹ്ലിയെ കാണുകയും ബോൾ തിരിച്ചുകൊടുക്കുകയും ചെയ്യുന്നു.
From role-playing as Sehwag, Sachin & Ganguly on the field as kids, to inspiring the next generation of athletes, Virat Kohli believes that it is imperative for us to #LetKidsPlay
For only when we let kids play will we pave the way for the next Kohli!#StarSportsNetwork #Cricket pic.twitter.com/Cesb6v6AJS
— Star Sports (@StarSportsIndia) September 20, 2023
“>
കുട്ടിക്കാലത്ത് ക്രിക്കറ്റ് കളിക്കുന്നതിൽ നിന്ന് തന്നെ ആരെങ്കിലും വിലക്കിയിരുന്നെങ്കിൽ ഇന്ന് ഞാൻ ഇന്ത്യൻ ടീമിൽ എത്തില്ലായിരുന്നുവെന്ന് കോഹ്ലി വീഡിയോയിൽ പറയുന്നു. കുട്ടികളെ കളിക്കാൻ അനുവദിക്കണം, അവർക്കായി കളിസ്ഥലങ്ങൾ ഒരുക്കണമെന്നും അഭ്യർത്ഥിക്കുന്നതാണ് വീഡിയോ.