മുംബൈ: ആമസോൺ സംരംഭം രാജ്യത്ത് പ്രവർത്തനം ആരംഭിച്ചിട്ട് ആറ് വർഷം പിന്നിടുന്നു. ആറാം വാർഷികാഘോഷത്തിന്റെ ഭാഗമായി ഉപയോക്താക്കൾക്ക് വേണ്ടി പുതിയ പ്രഖ്യാനവുമായി എത്തിയിരിക്കുകയാണ് കമ്പനി. ആമസോൺ പേ ലേറ്റർ മുഖേന ഇൻസ്റ്റന്റ് ക്രെഡിറ്റ് സൗകര്യമാണ് കമ്പനി പുതിയതായി പ്രഖ്യാപിച്ചിരിക്കുന്നത്. ഉത്പന്നങ്ങൾക്ക് പുറമെ ബിൽ പെയ്‌മെന്റുകൾ നടത്തുന്നതിനും ആമസോൺ പേ കോർപ്പറേറ്റ് ഗിഫ്റ്റ് കാർഡുകൾ വാങ്ങുന്നതിനും ഈ സൗകര്യം ഉപയോഗിക്കാനാകും. ഇതിന് പുറമേ യാത്ര, ഇൻഷുറൻസ് എന്നിവയ്‌ക്കും ക്രെഡിറ്റ് കാർഡ് ഉപയോഗിക്കാനാകും
ക്രെഡിറ്റ് ആയി ഉപയോഗിച്ചിട്ടുള്ള തുക വരും മാസങ്ങളിൽ യാതൊരുവിധ അധിക ഫീസുകളും ഇല്ലാതെ 12 മാസം വരെയും ഇഎംഐ ആയി തിരിച്ചടയ്‌ക്കാനാകും. കൂടാതെ വാർഷിക ഓഫറിന്റെ ഭാഗമായി ബിസിനസ് ഉപയോക്താക്കൾക്ക് ഡിസ്‌കൗണ്ടുകളും ക്യാഷ്ബാക്കും ഉൾപ്പെടെ ലഭ്യമാകും.’കഴിഞ്ഞ ആറ് വർഷമായി ഉപഭോക്താക്കളിൽ നിന്നും സെല്ലിംഗ് പാർട്ണർമാരിൽ നിന്നും മികച്ച പിന്തുണയാണ് ലഭിച്ചതെന്നും ഉപഭോക്താക്കൾക്ക് ക്രെഡിറ്റിനുള്ള ആക്‌സസ് നൽകുന്നതിനായി ആമസോൺ പേ ലേറ്റർ അവതരിപ്പിക്കുന്നതിൽ സന്തോഷമുണ്ടെന്നും’ ആമസോൺ ബിസിനസ് ഡയറക്ടർ സുചിത് സുഭാസ് പറഞ്ഞു.
