ഹാങ്ഷൗ: ഏഷ്യൻ ഗെയിംസിൽ ഇന്ത്യക്ക് ആദ്യ സ്വർണം. ഷൂട്ടിംഗിലാണ് ഇന്ത്യയുടെ ആദ്യ സ്വർണനേട്ടം. പുരുഷ വിഭാഗത്തിൽ 10 മീറ്റർ എയർ റൈഫിൾ ടീമിനത്തിലാണ് ഇന്ത്യ സ്വർണം നേടിയത്.
ദിവ്യാൻഷ് സിംഗ് പൻവർ, ഐശ്വര്യ പ്രതാപ് സിംഗ് തോമർ, രുദ്രാങ്കാഷ് പാട്ടീൽ എന്നിവരടങ്ങുന്ന ടീമാണ് സ്വർണം നേടിയത്. 10 മീറ്റർ എയർ റൈഫിൾ വിഭാഗത്തിൽ ലോക റെക്കോഡോടെയാണ് ടീമിന്റെ പ്രകടനം. 1893.7 പോയന്റാണ് ഇന്ത്യൻ ടീം നേടിയത്. ഇന്ത്യയ്ക്ക് പിന്നിൽ കൊറിയ രണ്ടാം സ്ഥാനവും ചൈന മൂന്നാം സ്ഥാനവും കരസ്ഥമാക്കി.