ഏഷ്യന് ഗെയിംസില് ഷൂട്ടിംഗില് ഇന്ത്യയുടെ അപാര റെയ്ഞ്ച് വ്യക്തമാക്കി വീണ്ടും മെഡല് നേട്ടം. ട്രാപ് വിഭാഗത്തിലാണ് സ്വര്ണവും വെള്ളിയും നേടിയത്. പൃഥ്വിരാജ്, സരോവര് സിംഗ്, ക്നാന് ഡാരിസ് എന്നിവരടങ്ങിയ സംഘമാണ് ഇന്ത്യയ്ക്ക് സുവര്ണ മെഡല് സമ്മാനിച്ചത്. ഇന്ത്യയുടെ 11-ാം സ്വര്ണ നേട്ടമാണ്. 361 പോയിന്റോടെ ഒന്നാം സ്ഥാനത്തെത്തിയാണ് സുവര്ണ നേട്ടം.
ഈ വിഭാഗത്തില് കുവൈറ്റ് വെള്ളിയും ചൈന വെങ്കലവും നേടി. സരോവറും ക്നാനും മാത്രമാണ് വ്യക്തിഗത ഫൈനലിന് യോഗ്യത നേടിയത്. വനിത ട്രാപ് ടീം വെള്ളികൊണ്ട് തൃപ്തിപ്പെട്ടു. രാജേശ്വരി കുമാരി, മനീഷ കീര്, പ്രീത രാജക് എന്നിവരങ്ങുന്ന സംഘമാണ് വെള്ളിനേടിയത്. 337 പേയിന്റോടെ ചൈനയ്ക്ക് പിന്നിലായാണ് ഫിനിഷ് ചെയ്തത്. കസാക്കിസ്ഥാനാണ് വെങ്കലം
ഷൂട്ടിംഗില് ഇന്ത്യ ഇതുവരെ 21 മെഡലാണ് ലഭിച്ചത്. ഏഴ് സ്വര്ണം 9 വെള്ളി 5 വെങ്കലം അടക്കമാണ് റെക്കോഡ് നേട്ടം. ഇന്ത്യ ഇതുവരെ 41 മെഡലാണ് പോക്കറ്റിലാക്കിയത്.
