പഴങ്ങൾ കഴിക്കുന്നതിലൂടെ ശരീരത്തിന് ലഭിക്കുന്നത് ഒന്നിലധികം ഗുണങ്ങളാണ്. പ്രമേഹ രോഗികൾക്ക് പോലും കഴിക്കാവുന്ന പഴങ്ങളും ധാരാളമാണ്. ഇത്തരത്തിൽ ശരീരത്തിന് വളരെ അധികം ഗുണകരമായ ഒന്നാണ് ഞാവൽപ്പഴം. പ്രമേഹ രോഗികൾക്ക് വളരെയധികം നല്ലതാണ് ഞാവൽപ്പഴം കഴിക്കുന്നത്. ഇതിൽ ധാരാളം പോഷകങ്ങളാണ് അടങ്ങിയിട്ടുള്ളത്.
പ്രമേഹത്തിന്
പ്രമേഹ രോഗികൾക്ക് മരുന്നായി ഉപയോഗിക്കാൻ സാധിക്കുന്ന ഒന്നാണ് ഞാവൽക്കുരു. ഇത് ഇത് ഉണക്കിപ്പൊടിച്ച് അര ടീസ്പ്പൂൺ വെറും വയറ്റിൽ വെള്ളത്തിൽ ചേർത്ത് രാവിലെ കഴിക്കുന്നത് പ്രമേഹ രോഗികളുടെ ആരോഗ്യത്തിന് നല്ലതാണ്. ഇൻസുലിൻ ഉത്പാദനത്തിന് സഹായിക്കുന്ന ഒന്നാണിത്. ഞാവൽക്കുരുവിന് പുറമേ പഴം കഴിക്കുന്നതും ഉത്തമമാണ്.
കുടലിന്റെ ആരോഗ്യത്തിന്
ഞാവലിന്റെ ഇല ചവച്ചരച്ച് കഴിക്കുന്നത് ദഹനത്തിന് നല്ലതാണ്. പൈൽസ് പോലെയുള്ള രോഗങ്ങൾക്ക് ഇത് മരുന്നാണ്. മലബന്ധം മാറുന്നതിനും ദഹനക്കേടിനും ഇത് ഉത്തമമാണ്. ഇതിൽ നാരുകൾ അടങ്ങിയിരിക്കുന്നു എന്നതിനാൽ തന്നെ ഗ്യാസ് അസിഡിറ്റി പ്രശ്നങ്ങൾക്ക് പരിഹാരമാണ്. കലോറി കുറവായതിനാൽ തന്നെ തടി കുറയുന്നതിനും സഹായിക്കും.
ചർമത്തിന്റെ ആരോഗ്യത്തിന്
ഇതിൽ അടങ്ങിയിരിക്കുന്ന ആന്റി ഓക്സിഡന്റുകളും വിറ്റാമിൻ എയും ചർമ്മ സംരക്ഷണത്തിന് നല്ലതാണ്. അയേൺ ധാരാളമായി അടങ്ങിയിട്ടുണ്ട് എന്നതിനാൽ നിറം വർദ്ധിക്കാൻ സഹായകമാണ്. മുഖത്തെ ചുളിവുകൾ, വരകൾ എന്നിവ മാറുന്നതിന് ഗുണകരമാണ്. ചർമ്മത്തിന്റെ തിളക്കത്തിനും ഞാവൽ നല്ലതാണ്.
ഹൃദയത്തിന്റെ ആരോഗ്യത്തിന്
ഹൃദയത്തിന്റെ ആരോഗ്യത്തിന് ഞാവൽപ്പഴത്തിൽ അടങ്ങിയിരിക്കുന്ന ആന്റി ഓക്സിഡന്റുകൾ ഗുണകരമാണ്. ഞാവലിൽ അടങ്ങിയിരിക്കുന്ന പൊട്ടാസ്യം സ്ട്രോക്ക് തടയുന്നതിനും ബിപി കുറയ്ക്കുന്നതിനും ഹൃദയ സംബന്ധമായ പ്രശ്നങ്ങൾ തടയുന്നതിനുമുള്ള പരിഹാരമാർഗമാണ്.