ജയ്പൂർ: രാജസ്ഥാനിൽ ചിത്തോർഗഡിലെ സാൻവാരിയ സേഠ് ക്ഷേത്രത്തിൽ ദർശനം നടത്തി പ്രധാനമന്ത്രി നരേന്ദ്രമോദി. ഇന്ന് ചിത്തോർഗഡിൽ നടക്കുന്ന പൊതുപരിപാടിയിൽ പ്രധാനമന്ത്രി പങ്കെടുക്കും. 7,000 കോടി രൂപയുടെ വിവിധ വികസന പദ്ധതികൾ അദ്ദേഹം ഇന്ന് ഉദ്ഘാടനം ചെയ്യും.
നിയമസഭാ തെരഞ്ഞെടുപ്പ് അടുത്തിരിക്കെ സംസ്ഥാനത്ത് പ്രചാരണ പ്രവർത്തനങ്ങൾക്ക് ബിജെപി ഇതിനോടകം തുടക്കം കുറിച്ചിരുന്നു. അതേസമയം ഇന്ന് മദ്ധ്യപ്രദേശിലെ ഗ്വാളിയോറിൽ നിരവധി വികസന പദ്ധതികളുടെ ഉദ്ഘാടനവും പ്രധാനമന്ത്രി നിർവഹിക്കും.
