സബ്സ്ക്രിപ്ഷൻ പ്ലാനുകൾ വർദ്ധിപ്പിക്കാനൊരുങ്ങി നെറ്റ്ഫ്ളിക്സ്. ആദ്യ ഘട്ടത്തിൽ അമേരിക്ക, കാനഡ എന്നീ രാജ്യങ്ങളിലാകും നിരക്ക് വർദ്ധിപ്പിക്കുന്നത്. പിന്നീട് ഇത് മറ്റിടങ്ങളിലേക്ക് വ്യാപിപ്പിക്കുമെന്നും കമ്പനി അറിയിച്ചു. എന്നാൽ നിരക്കിൽ എത്ര ശതമാനം വർദ്ധനവാകും ഉണ്ടാകുകയെന്ന കാര്യത്തിൽ ഔദ്യോഗിക അറിയിപ്പുകളൊന്നും പുറത്തു വന്നിട്ടില്ല.
സാമ്പത്തിക നഷ്ടം മറികടക്കുന്നതിന് വേണ്ടി മറ്റ് പല ഒടിടി പ്ലാറ്റ്ഫോമുകളും നിരക്ക് വർദ്ധിപ്പിച്ചിരുന്നു. എന്നാൽ നെറ്റ്ഫ്ളിക്സ് പാസ്വേർഡ് പങ്കുവെയ്ക്കലിന് തടയിടാൻ ശ്രമം നടത്തുകയാണ് ചെയ്തത്. അടുത്തിടെയാണ് ഉപഭോക്താക്കൾ പാസ്വേർഡ് പങ്കുവെയ്ക്കുന്നത് നെറ്റ്ഫ്ളിക്സ് നിർത്തലാക്കിയത്.
പാസ്വേർഡ് പങ്കുവെയ്ക്കൽ നിർത്തലാക്കിയത് വിജയകരമായിരുന്നു എന്ന് നെറ്റ്ഫ്ളിക്സ് അടുത്തിടെ പറഞ്ഞിരുന്നു. പാസ്വേർഡ് പങ്കുവെക്കൽ തടഞ്ഞതോടെ ആറ് മില്യൺ പുതിയ സബ്സ്ക്രൈബേഴ്സിനെ ലഭിച്ചുവെന്ന് കമ്പനി അറിയിച്ചു. ഇതിനാൽ അടുത്ത ഘട്ടമെന്ന നിലയിൽ നിരക്കിൽ വർദ്ധനവ് വരുത്താനാണ് നീക്കം.
