ന്യൂഡൽഹി: കുവൈത്തിൽ തടവിലാക്കപ്പെട്ട ഇന്ത്യക്കാരെ മോചിപ്പിച്ചു. മതിയായ രേഖകളില്ലാത്തതിന് പിടിക്കപ്പെട്ട നഴ്സുമാർ ഉൾപ്പെടെ, 34 പേരെയാണ് മോചിപ്പിച്ചിരിക്കുന്നത്. ഇവരിൽ 19 പേർ മലയാളികളാണ്.
വിദേശകാര്യ സഹമന്ത്രി വി.മുരളീധരന്റെ ഇടപെടലാണ് ഇവരുടെ മോചനത്തിന് വഴി തെളിച്ചത്. 23 ദിവസമായി നഴ്സുമാരും മറ്റ് ആരോഗ്യ പ്രവർത്തകരും തടവിൽ കഴിയുകയായിരുന്നു. തുടർന്ന് കേന്ദ്ര സർക്കാർ ഇടപെടലിനൊടുവിൽ മോചനം സാദ്ധ്യമാകുകയായിരുന്നു.
ഇന്ത്യയുടെ വിശദീകരണം അംഗീകരിക്കുകയും മനുഷ്യത്വപരമായ സമീപനം സ്വീകരിക്കുകയും ചെയ്ത കുവൈത്ത് അധികാരികൾക്ക് വിദേശകാര്യ സഹമന്ത്രി നന്ദി രേഖപ്പെടുത്തി. ലോകത്തെവിടെയും ഭാരതീയ പൗരൻമാരുടെ ക്ഷേമവും സുരക്ഷയും ഉറപ്പാക്കാൻ നരേന്ദ്രമോദി സർക്കാർ പ്രതിജ്ഞാബദ്ധമാണെന്ന് മുരളീധരൻ ഫേസ്ബുക്കിൽ കുറിച്ചു.
