ഉത്സവ സീസൺ ആരംഭിക്കുന്നതിന് മുന്നോടിയായി ഉപഭോക്താക്കളെ ആകർഷിക്കുന്നതിനായി ഓഫറുകളുമായി ബാങ്കുകൾ. ബാങ്ക് നിക്ഷേപത്തിനും വായ്പകൾക്കും ക്രെഡിറ്റ് കാർഡുകൾ തുടങ്ങി വിവിധ വിഭാഗങ്ങളിൽ ബാങ്കുകൾ ഓഫറുകൾ നൽകുന്നു.
ബാങ്ക് ഓഫ് ബറോഡ ഉത്സവ കാലത്ത് ആരംഭിച്ച ക്യാമ്പെയ്നാണ് ‘ബിഒബി കെ സാങ് ത്യോഹാർ കി ഉമാംഗ്’. ഭവന, കാർ, വ്യക്തിഗത, വിദ്യാഭ്യാസ വായ്പകൾക്ക് ആകർഷകമായ പലിശ നിരക്കുകൾ ലഭിക്കും. ഡിസംബർ 31 വരെയാണ് ഈ ക്യാമ്പെയ്ൻ നടത്തുന്നത്.
8.40 ശതമാനം നിരക്കിൽ ഭവന വായ്പ ആരംഭിക്കും. സ്ത്രീകൾ, ശമ്പളക്കാർ, ബിസിനസ്, ഫാമിലി അക്കൗണ്ട് ഉടമകൾ എന്നിവർക്ക് നിരക്ക് ഇളവുകൾ ലഭിക്കും.8.70 ശതമാനം നിരക്കിലാണ് കാർ വായ്പ നിരക്ക് ആരംഭിക്കുന്നത്. വിദ്യാഭ്യാസ വായ്പകൾ 8.55 ശതമാനം പലിശയിലും ലഭിക്കും. 0.60 ശതമാനം വരെ കിഴിവും ലഭിക്കും. വ്യക്തിഗത വായ്പ നിരക്കുകൾ 10.10 ശതമാനത്തിലാണ് ആംരഭിക്കുന്നത്.
ഉത്സവകാലത്തോടനുബന്ധിച്ച് ഐഡിബിഐ ബാങ്ക് ‘അമൃത് മഹോത്സവ് ഫിക്സഡ് ഡെപ്പോസിറ്റ് പദ്ധതി’ ഒക്ടോബർ 31 വരെ നീട്ടിയിട്ടുണ്ട്. പദ്ധതി പ്രകാരം ഐഡിബിഐ ബാങ്ക് 444 ദിവസത്തെ സ്ഥിര നിക്ഷേപ പദ്ധതിയിൽ മുതിർന്ന പൗരന്മാർക്ക് 7.65 ശതമാനവും റെഗുലർ നിക്ഷേപകർക്ക് 7.15 ശതമാനവും പലിശ നൽകും. 375 ദിവസത്തെ സ്ഥിര നിക്ഷേപ പദ്ധതി പ്രകാരം റെഗുലർ നിക്ഷേപകർക്ക് 7.10 ശതമാനവും മുതിർന്ന പൗരന്മാർക്ക് 7.60 ശതമാനവും പലിശ ലഭിക്കും.
ഉത്സവം സീസൺ ആയാൽ പിന്നെ നിരന്തരം ക്രെഡിറ്റ് ഓഫറുകൾ നിരവധിയാണ്. ആമസോണും ഫ്ലിപ്കാർട്ടും പോലുള്ള ഇ-കൊമേഴ്സ് പ്ലാറ്റ്ഫോമുകൾ കാർഡ് ഉടമകൾക്ക് പ്രത്യേക ഓഫറുകളും നൽകാറുണ്ട്.ബാങ്ക് ഓഫ് ബറോഡയുടെ ഡെബിറ്റ്, ക്രെഡിറ്റ് കാർഡ് ഉടമകൾക്ക് ഓഫറുകളും ഡിസ്കൗണ്ടുകളും ബാങ്ക് പ്രഖ്യാപിച്ചിട്ടുണ്ട്. ഇതിനായി ഇലക്ട്രോണിക്സ്, കൺസ്യൂമർ ഡ്യൂറബിൾസ്, ട്രാവൽ, ഫുഡ്, ഫാഷൻ, വിനോദം തുടങ്ങിയ വിഭാഗങ്ങളിലുള്ള പ്രമുഖ ബ്രാൻഡുകളുമായി ബാങ്ക് കരാറിലെത്തിയിട്ടുണ്ട്.
നോ-കോസ്റ്റ് ഇഎംഐ ഓപ്ഷനും ഉപഭോക്താക്കൾക്ക് പരിഗണിക്കാവുന്നതാണ്. നോ കോസ്റ്റ് ഇഎംഐയ്ക്ക് കീഴിൽ ആകെ ബിൽ തുക 24 മാസം വരെ പലിശ രഹിത തവണകളായി മാറ്റാൻ സാധിക്കും. മറഞ്ഞിരിക്കുന്ന ഫീസുകൾ പരിശോധിച്ച ശേഷമാകണം നോ-കോസ്റ്റ് ഇഎംഐ തിരഞ്ഞെടുക്കാൻ.
